Kailash Parbat

营业中

休息中

平時經過尖沙咀，經常會比一個banner吸引，今日終於同三個同學仔上去一齊去會一會佢一講起印度餐，第一時間會諗起咖哩 羊肉同辣,，但係呢間餐廳就有d特別 特別在呢一間係食素既印度餐廳，餐廳環境好大坐得好舒服又乾淨，都幾滿意。唔講咁多即刻叫菜，打開menu，唔係咁識睇，不過好彩有中文翻譯，侍應姐姐亦都有好心機咁為我地介紹，一於交比當地人為我地發板，哈哈話明食印度野，薄餅加咖哩呢個組合又點小得，咖哩味好地道，辣度適中，配上啖啖咸香既芝士，好食。賣樣好夠既咖哩角，一上台個個都嘩嘩聲，食落都可以接受，偏辣，咖喱味亦好濃。我個人最鐘意既就係大蒜烤餅同埋馬薩拉芝士烤餅，即叫即烤，香脆好味，配埋傳統印度素咖哩，正，最後重"安歌"左一次。飲品方面，我叫左雪糕咖啡，不過不失，無特色但幾好飲。以上都係重點推介既食品。