影片
更多
2012-11-16
53 浏览
見用Tablemap訂位有機會贏戲飛睇「寒戰」，所以就捉左個friend陪我試食一間經網上訂位有九折o既「無敵家」。「無敵家」地方唔算大，不過勝在乾淨企理，唔會擺到周度雜物，又夠光猛。小肥最欣賞就係牆上同架上整齊o既cutie酒樽酒瓶擺設。當晚我地係第一枱客人到。身體語言話比XO仔聽「無敵家」個老板就坐喺廚房旁張枱，莫非想比啲壓力伙計？！雖則如此，店內o既服務生仍大多木無表情，亦不見得服務態度特別好，成餐飯就連最簡單o既茶都冇杯比客人飲！埋位時，見倒多頁o既咭紙餐牌喺餐桌上面，心覺佢地都有做到準備功夫，所以加返一分啦！最有型都係佢地個趣緻筷子座，令小弟印象非常深刻。小肥同友人每人點左碗拉麵，分左份小食就算係我地o既晚餐： 雞皮餃子（HK$ 48，一客三件）：「無敵家」自創o既雞皮餃子小食餐牌上已經冇左，不過聽倒隔離枱位哥哥仔叫黎食，XO仔當然唔會執輸啦！雞皮同餃子都係小肥喜愛o既食品，所以個二合為一o既概念真係好啱feel。新鮮炸出黎o既雞皮好脆薄，而且唔係好油，用黎做餃子皮好特別，大家不妨一試。 豚骨湯拉麵（HK$ 68）：其實碗拉麵味道真係唔錯，食落完全唔覺得有任何味精，唯一XO仔
「無敵家」地方唔算大，不過勝在乾淨企理，唔會擺到周度雜物，又夠光猛。小肥最欣賞就係牆上同架上整齊o既cutie酒樽酒瓶擺設。
當晚我地係第一枱客人到。身體語言話比XO仔聽「無敵家」個老板就坐喺廚房旁張枱，莫非想比啲壓力伙計？！雖則如此，店內o既服務生仍大多木無表情，亦不見得服務態度特別好，成餐飯就連最簡單o既茶都冇杯比客人飲！埋位時，見倒多頁o既咭紙餐牌喺餐桌上面，心覺佢地都有做到準備功夫，所以加返一分啦！
最有型都係佢地個趣緻筷子座，令小弟印象非常深刻。
小肥同友人每人點左碗拉麵，分左份小食就算係我地o既晚餐：雞皮餃子（HK$ 48，一客三件）：「無敵家」自創o既雞皮餃子小食餐牌上已經冇左，不過聽倒隔離枱位哥哥仔叫黎食，XO仔當然唔會執輸啦！雞皮同餃子都係小肥喜愛o既食品，所以個二合為一o既概念真係好啱feel。新鮮炸出黎o既雞皮好脆薄，而且唔係好油，用黎做餃子皮好特別，大家不妨一試。
豚骨湯拉麵（HK$ 68）：其實碗拉麵味道真係唔錯，食落完全唔覺得有任何味精，唯一XO仔嫌佢湯底唔夠熱。此外，拉麵尚算彈牙，不過塊豚肉就偏嚡同硬。
原味波子汽水（HK$ 28）：見食物上枱時都未有茶飲，天口又咁㷫，所以就叫左枝波子汽水黎解渴。
小肥係一個精明o既消費者，埋單時必定會check一check先付款。當日發現姐姐仔唔記得比九折優惠我，小肥當然係比錢前成功地追討返啦！評心言論，「無敵家」食物質素唔錯，而且座位舒適，價錢OK啦，問題只係服務生唔係好夠友善囉！
张贴
