夢見屋 (已結業)

行開尖沙咀,見新商場iSQUARE落成無耐,就入去睇下有咩好食啦~好多食肆都開左,見呢間出面d相好似幾好味就試呢間啦~!蕃茄野菜飯 朋友仔話好似大家樂d飯wo...我就覺得好淡好健康咁,茄味唔夠濃,同埋唔知佢上面放d燕麥想點,無咩特別明太子意粉餐 個樣同出面d圖好似,無貨不對版但係味道就麻麻地,明太子比較咸,同埋個汁好一般,意粉唔稔身都算彈牙既...佢跟餐個忌廉湯就幾好味,叫個杯凍檸茶好似走冰咁d冰小到見唔到好難飲囉呢度d位都幾好坐,拍拖黎食都okay呀,我見在場好多都係一pairpair的不過佢每張table都放有一個好似"平安鐘"咁既呼叫制(個制應該係俾客叫waiter掛..)按十次都無人應,真係舉手都無咁嬲,好想知個制係咪得個樣?呢餐朋友仔話佢請,慶祝佢搵到份自己想做既工,congrats~!