夢見屋

我第一次寫食評，係因為想為員工平反。我和老公二人晚上大約20:30去食環境雖然一般（有一點點怪味）但服務很好，會主動告訴我們剛煮起紅豆湯。也主動向我們推介。可能客人不太多吧，所以很快就會收起食完的碗盆。蛋糕味道很好，比一般 Italian tomato 要好。…查看更多

今日去尖沙咀行街街，順便去 iSQUARE 搵嘢食。我去了夢見屋試下佢哋的自家製烏冬。在眾多的烏冬當中，我點了芝士肉醬自家製烏冬和卡邦尼亞自家製烏冬。此外，我還點了白玉綠茶雪糕抹茶。芝士肉醬自家製烏冬芝士味濃，肉醬酸咸度適中，而自家製烏冬恕我未能食出其特別之處，感覺上這些烏冬似超市的真 X 烏冬。卡邦尼亞自家製烏冬芝士好夠濃，食落厚身好 creamy，食到舐舐脷。白玉綠茶雪糕抹茶的白玉即類似中國的湯丸，而雪糕則是一般的綠茶雪糕。 雖然抹茶色水夠深，但味道較淡。…查看更多

之前向上環食過，已經覺得麻麻地，向尖沙咀再次見到，服務態度簡直惡劣，我懷疑佢地全線員工都是這樣的，其實如果吾想做可以吾做，吾好黑起愧面對住D客羅，講真邊個返工無壓力?傻咖，食飯好似受氣咁，你估你地係M記價錢咩，希望官管理層見到可以正視一下，其實食物味道係不錯的，但想起D員工態度真係吾想再去，無服務仲收服務費，講笑咩…查看更多

下午茶時間，落單叫（1）牛油果沙冰（2）蛋糕（3）櫻花蝦薯條侍應完全和餐廳名一樣。蛋糕已在陳列櫃，遲遲唔上，要叫上。一句話：「同事無睇機。」轉頭另一個侍應話無沙冰，一碌木咁企喺度：「餐牌丫唔該？」要客人叫另一樣嘢飲，你估茶餐廳咩？全部都係特飲，唔比餐牌個客鬼識叫。改叫（抺茶奶），兩枱客人圴投訴難飲。扮環保唔派飲管但件蛋糕就出膠羹.......得個薯條正常。懷疑係「意大利蕃茄」旗下，因同一商場有分店。水吧好緊要。培訓好緊要。以後夢中見吧⋯⋯…查看更多

廳門口冇人排隊、冇人等位！我們在8:40分左右等了五分鐘也未有人招呼安排入座，再侍應安排入座了一個幽暗兼陝少位置，由於我朋友身型較大，所以我們見旁邊有四張吉的圓枱（可供4人坐），便坐了圓枱，跟著侍應叫我們坐回安排的2人枱，（我心中覺得若外面很多人正等位，我不介意坐2人枱的），那我便問他為什麼旁邊那2個國內女人可坐4人枱，而我們不可.....我真想問他是否歧視港人！他回答是：經理給那兩女坐的。真的想不到現今這個年代還有人用這種方式去做生意，特別是飲食業，廳里有成十張吉枱，竟然不讓客人坐得舒適一點:(想再光顧都使慌…查看更多

自稱經理的女人態度極其惡劣，完全沒有’服務’可言，更出口狂言「你唔好俾我喺街度見到你」！事緣我同小朋友已坐低兼食緊，有另一枱客走入我哋隔離張枱。其實我哋兩枱客完全無碰撞，呢枱客亦無出過一句聲並已坐低！但自稱經理女子走埋我張枱，就話我哋好頂住人哋，想拉我哋張枱，當時我女正烏低頭食緊，佢仲好似我女阻住佢叫佢停。我感覺好差，同自稱經理女子講：「枱係你哋自己set，有嘜理由我哋食食吓走埋嚟拉我哋張枱，仲要話係我哋頂住人哋！」佢態度極差地話「我無話過你頂住人哋，我係話張枱頂住人哋」！到埋單時我問另一侍應經理姓名、有無途徑投訴，點知該名自稱經理女子就走埋嚟鬧「你要投訴我丫嘛？投訴囉！我做唔做都得架」「你點做人阿媽？你香港人嚟架？想攪到人無工做？」「你唔好俾我喺街度見到你呀」我問佢係咪恐嚇緊我，佢就話「我係唔想喺街度見到你呀，因為你樣衰呀！」連續鬧幾次相同説話！之後就來回我張枱幾次，不斷舉機拍片，我當時只係坐喺度，我直情問佢係咪有精神病！我覺得事態嚴重，最後要報警要求警方處理兼要佢delete D片！真心地覺得好恐怖！點解一間集團經營嘅餐廳會有咁嘅質素？食餐飯攪到要報警，真係激心到食咩都補唔翻！…查看更多

炸雞丼:一個字-鹹個飯睇落好dry，仲驚冇味點知一食。。。個醬好鹹本身個炸雞係炸得幾好，不過都太鹹撈埋飯都好少少嘅但個麵豉湯都係好鹹所以個結論係👎🏼總結:好耐以前去食都ok依家比以前差咗一個字形容晒餐飯-鹹…查看更多

與友人共進晚餐。我點了忌廉烏冬和抹茶牛奶，朋友點了茶漬飯和紫薯牛奶。忌廉烏冬尚算正常，味道正常，唯份量對女仔來說亦嫌不足。然而抹茶牛奶難喝得難以下嚥。味道怪，茶粉澀。外貌和味道都零分。朋友的紫薯牛奶卻外貌和味道都不錯。為免心情俾抹茶牛奶影響，我多點了一杯紫薯牛奶給自己。朋友的茶漬飯是另一個惡夢。用來泡飯的高湯倒咗落飯度先發現鹹到發苦，自己倒多杯水落去都幫助不大。…查看更多

本來想吃明太子意粉，之前在上環夢見屋吃過，挺好吃，但這間夢見屋的餐牌居然沒有，改叫了set dinner, 鵝肝牛排餐$138, 包餐湯及一柸餐飲，加$15升級抹茶雪糕凍飲。餐湯是蘑菇忌廉湯，味道正常。抹茶雪糕凍飲，之前看到食評說難飲，特地試下，真的———好難飲，有好濃的草腥味，上面的抹茶雪糕只有半球，飲了兩口，頂唔順，放棄。主菜，鵝肝牛扒，鵝肝一小塊，味道ok, 牛扒應該是牛塊至真，落order時也沒有問幾成熟，切下去有血水，約五成熟，本身牛肉味道ok,但上面醬汁實在太鹹太鹹了，食到第二塊牛肉已經頂唔順，好好奇餐廳D廚師從來無試味嗎？埋單加一，約$170，中環IFC open kitchen 一個dinner set 都係同等價錢，但好味又有海景，相比下，尼間cp 值底。…查看更多

今日去開isquare就諗住試下呢間夢見屋。之前經過見佢地門面都幾靚，好似會坐得幾舒服適合傾計咁就諗住試下。我嗌咗嗰蜆肉烏冬，而我朋友就嗌咗嗰牛扒餐。雖然平均一個人一百蚊樓下可以食到嗰晚餐，但係啲食物真係麻麻地。我朋友嘅牛扒煮太耐好韌，而我既蜆肉烏冬就太多忌廉，完全食唔到咩蜆味，而且烏冬比較淋身。另外，服務唔太好，我哋等咗好耐都未上餐。即使我哋反覆提醒店員，佢哋都冇處理到我哋嘅問題。最後我朋友嘅餐飲等咗差唔多半個鐘先有。所以下次應該唔會再黎喇。…查看更多

Lunch黎講 我非常喜歡食蛋糕見到呢間餐廳既蛋糕又大件又吾貴咁大件都吾過50蚊一件 實在好抵所以買左兩件試試講番口感先 第一張圖果件味度適中 朱古力就係要少少苦但又甜甜的食落口夠creamy 完全吾乾 證明新鮮呢個價錢 配上呢個口感 再配上呢個大細 性價比非常高第二張圖 有白色果件就甜左少少但如果食開白朱古力 應該好喜歡埋單時吾過100 好似8x港幣建議行街肚餓可以一試但其他叫餐的就最好吾好試 見隔離檯都等左一段時間 除非你吾趕住走…查看更多

@尖沙咀isquare夢見屋真係忍唔住要出post，叫左個二人龍蝦海鮮set，揀左香煎帶子黑松露雜菌意式燴飯，一黎到見到個賣相已知🚁伏伏伏。個飯一啲汁都無，乾到好似炒飯咁，無黑松露香味，帶子得三粒都算，個飯又唔夠熱，仲有啲酸。問左個女職員，正想問關於個飯嘅問題，佢就搶先話個飯無問題，同餐牌一樣，我再問意式燴飯係咪咁乾身，佢再次強調個飯無問題，咁我唯有收聲，但感到非常失望，因為之前食其他野都無問題，或者我黑仔掛🤔🤔🤔…查看更多

本人昨天11月26日下午2點到餐廳用膳，店內之員工絕大部份並沒有笑容。除了唯一一位身型較矮之四眼員工，後來知道佢叫亞Ken，跟他聊了兩句，得知他之前曾在此公司，之後離開再回去工作。亞Ken的工作態度非常有禮及有笑容。相比其他員工有着強烈的對比。此餐廳之食物質素很高，但員工待客之態卻強差人意。希望管理者正視問題。再者，各食客也可觀察留意餐廳員工之表情。(除了廚房裡之員工有講有笑，樓面亞Ken之外)全部勻黑面，尤其係一個較肥，有時會在門口沖咖啡的更惡劣。請觀察，更正及改善。謝！不滿的食客上…查看更多

嫁到老遠的朋友生日，當然是壽星女揀地方同話事啦！她說唔想去得遠，她選了isquare 的夢見屋，因為她很鍾意哪裡的蛋糕我地6點就到， 所以還有很多位，職員見到我地就立即帶位啦！坐下後就會發現，張枱很細，不能同時放到兩個人的食物，一定要就住就住，而且可能人手不足，全場只見兩個侍應生走來走去，所以舉手好耐都無人理最後較後生的理會我地，才點到食物款式多選擇，有set dinner,價錢平d, 所以我地揀左2個 dinner set]睇menu發覺海鮮炒天使麵同滑蛋豬扒飯不錯所以點左佢地，冰檸茶，熱檸茶，在加錢48蚊點她最鍾意的焦糖香蕉蛋糕海鮮炒天使麵： 材料用料豐富，有同蝦，魷魚等海鮮，天使麵軟硬適中，松露忌廉湯，creamy滑蛋豬扒飯：滑蛋滑，豬扒厚入味，用上珍珠米，份量勁大 ，配埋麵豉湯及漬物，兩個男士都會飽冰檸茶，熱檸茶： 味道正常加錢的焦糖香蕉蛋糕就有點失望，好腍，唔知會否放在係室溫太耐,d cream ,有溶化跡象，另味道一般…查看更多

夢見屋門前有一列蛋糕櫃，仲它以為只是甜品店，點知一睇meun後便發現夢見屋主打日式西餐。dinner set分別有牛扒、西班牙海鮮炒飯，比較特別的是它用烏冬代替pasta來做，例如有carbonara同Parma ham truffle。今次黎就試左巴馬火腿黑松露烏冬($65)同炸雞定食($48)。扁身的烏冬口感不錯，巴馬火腿也不錯，唯獨個汁無乜黑松露香味，比較失望😓而炸雞定食就幾有驚喜，影相ge時候已經食左d，原本係有5件炸鋪滿飯面，加上特製醬汁，好好味😋！誠意推薦！…查看更多