初心 (已結業)

用心制作嘅店舖愈來愈少，佢哋對處理食材嘅專業，真係令我好敬佩，連包住肉嘅布都咁講究，肉嘅生熟度，麵鼓湯嘅肉味，配嘅醬汁，用嘅日本新潟米，飲嘅荔枝茶，用嘅竹筒杯，所有嘢都會影響整頓飯的好與壞，佢哋拿捏嘅程度確係值得欣賞👍。平時一有時間，就會唻幫襯。今日食嘅酸忌廉慢煮牛柳丼，配上用醬油浸過嘅溫泉蛋🥚，特別入味，特別好食😋。酸忌廉可能俾大家印象係酸溜溜嘅感覺，但初心就完全冇依個問題，配以蛋醬，飯同燒汁混埋一齊食，真係送多一碗飯都完全冇問題。