串酒里 (已結業)

食串燒飲啤酒根本就係夏天最佳配搭 🍢🍺今日嚟到山林道呢間串酒里，佢呢度嘅手工啤全部用粗口命名好好笑😂😂😂感覺非常之香港，要本土人先識得笑。 我哋嗌串燒先呢一個安格斯牛柳粒串🐮 肉質非常鮮嫩軟淋，燒得啱啱好 。非常juicy而且一啲根都冇!!雖然68蚊串但完全對得住呢個價錢😋黑松露蒜蓉燒生蠔唔講真係以為蒜蓉唔使錢🤣多到呢!!! 不過略嫌冚咗啲黑松露味，結果松露要分開食😝如果唔係會畀啲蒜香冚曬。生蠔算大隻，啖啖肉，唔會燒得好乾無縮水!燒烤必點嘅仲有燒茄子，配料落得非常大方，調味足夠，入口唔乾夠入味!!啖啖茄子蓉正呀🍆🍆普遍食物都高質🐔雞翼同樣嫩滑 juicy皮燒得香脆!!!蒜蓉雜菇分量都幾多喎🍄🍄一大兜滿滿，食落有啲燒酒味(其實都幾重!酒得嘅人先好嗌🥃)最後叫咗個燒麻薯，煙韌有拉絲感，但又唔黐牙。 之前淨係食個甜嘅麻薯原來鹹嘅都幾夾😋始終燒烤都會比較口乾，一定要order番杯啤酒先夠gur 🍺🍺哩度啤酒勁多款實有一種啱你口味😂