十三少 (已結業)

喺香港仔返咗工咁耐，成日都見到呢一間舖頭嘅廣告，鍾意食酸菜魚嘅我一早已經俾佢吸引住。不過呢一間舖頭都真係幾難搵，我哋開着個地圖，跟住佢個指示牌都行錯路，兜咗一小圈先至喺後行果度搵到呢間店舖嘅入口。由於店舖正門喺後巷，俾我嘅感覺真係麻麻，感覺好似有啲污糟，不過入到餐廳之後，就有另一種感覺。餐廳裝修不錯，座位不會擠迫，而且環境非常乾淨。侍應帶位之後會先遞上小食，小食係麻辣薯仔絲，雖然係免費嘅，但都幾好味同幾開胃。點十三少酸菜魚嘅時候要注意一點，就係酸菜魚嘅辣度係固定嘅，只可以揀辣或者唔辣，冇得揀小辣。我同朋友叫咗一個辣一個唔辣，我哋都認為辣嘅比較好食。我唔係算好食得辣（譚仔四小辣程度），就覺得偏辣嘅。另一方面，湯有較多嘅辣油浮面，進食嘅時候要小心被灼到喉嚨。味道方面，酸菜魚湯有唔少嘅花椒，所以麻味十分突出，麻得過癮。酸菜夠酸，而且夠多，好食。魚片都幾出色，一條碎骨都冇，而且唔會太過薄，有返少少口感，唔會一夾就散，但口感依然滑嫩。最後酸菜魚有另一個特點就係放左好多芝麻喺面，令到成碗酸菜魚嘅味道更加香。我哋呢一個係午市套餐，所以本身已經包左一碗白飯同埋一杯嘢飲。嘢飲方面，我哋叫咗菊花蜜，不過就