拉麵達人 (已結業)

最近愛上吃拉麵，除了因為香港的拉麵店質素越來越好及選擇越來越多之外，食拉麵的確係快靚正的選擇，尤其是係趕時間的時候就岩晒。最近同朋友喺佐敦一帶上興趣班， 正好係上堂之前喺附近醫醫肚。拉麵達人嘅裝修的確幾似日本街頭的拉麵店，高枱旁的窗還可以望到街外，雖然景觀不甚漂亮，個人很欣賞店內的裝飾，很多日式小玩句及特色日式小食，可能有啲已經係絕版了拉麵的選擇也甚多，我跟友人每人各叫了一碗拉麵。櫻花蝦達人$108一上枱我跟友人都「嘩」了一聲！賣相的確很搶眼。最搶眼的是放在中間的黃金蝦，好大隻，肉質好爽口，炸漿香脆帶點鹹香；另外還有兩隻剝了殻的蝦，同樣非常爽口，還有一片蟹柳，湯底是以豬骨淆製再加上櫻花蝦，濃香得來帶點櫻花蝦的鮮味。麵質這次我沒有特別要求，但個人認為硬身一點會更好，可向店家要求。要注意，麵內很多蔥絲，不吃蔥的朋友記得要走青呀！友人點的是黑蒜達人$92黑蒜味道濃厚，喝下一口有回甘的感覺，值得一讚係半熟蛋，真係好流心！味道也不錯，配料份量也相當多，食完一碗已經非常飽「一碗入魂」呢個牌匾真係好有霸氣。後來發現原來另一朋友係此店既粉絲，已經食滿十碗拉麵，憑印花可換一碗拉麵，認真厲害！