海陽。居酒屋

营业中

休息中

同老公慶祝，去k11 musea搵間靚餐廳啦。成個商場人流冇乜，但估唔到呢間餐廳平日都算多人喎。因為要戒口，所以我地只係散叫，比起叫啲餐其實平好多，而且估唔到都幾飽喎。最鍾意係天婦羅蝦餅飯，份量係估唔到咁大，而且好欣賞佢個汁，同個天婦羅好夾，加埋有好多天婦羅碎碎，就算食咗個蝦餅就唔會淨食白飯。另外叫咗個豚肉shabu shabu，見到好多人叫牛肉壽喜燒，似乎果個大份好多，反而呢個豚肉就得六件。當然連埋個大大蔬菜盤都非常足夠，同埋清清地（海帶清湯）更能帶出豚肉嘅鮮味。雞軟骨嘅份量都比想像中多，反而份燒魷魚就好薄咁。味道就不過不失啦。餐廳職員都好細心同有善，但係餐廳個位太長，我地坐到最入，所以要叫侍應有時佢哋都見唔到。同埋我覺得音樂有少少大聲，呢度扣左少少分。雖然openrice寫有海景，但望落去見唔到，似乎要留意番。