影像咖啡 (已結業)

今日同朋友嚟咗觀塘工業大廈學拉花咖啡☕️兩個鐘頭嘅課程好快就完咗梗係去搵食嘅時候喇。。話說頭先搭地鐵係觀塘D1出口外面，見到有張宣傳單張貼左喺工業大廈正門，又咁啱俾我發現到，一聽個名就知係攝影為主題，既然我哋又諗唔到食咩，一於去望吓先😍😍😍一去到門口就俾個外牆吸引左，果然係工業區開嘅咖啡店都充滿着工業風，老闆好有誠意咁邀請我哋睇下個Menu，又話叫我地入嚟參觀下，唔食都唔緊要！原來咖啡店入面有一半嘅位置係可以幫客人影相，薛家燕個仔啱啱結婚都係搵佢地影相仲有啊，原來幫襯咗滿$60，老闆就會幫我地影一張相，影到你滿意為止環境又好，老闆態度好，一於就揀呢間啦🥳🥳我哋嗌左個煙三文魚意粉同埋大菇意粉，配買兩杯茶，(我唔記得叫咩)食物質素都OK嘅，老闆見我哋食咗一半就冇食就不停問係咪唔好食，其實我哋掛住傾計食完野無耐老闆就幫我地影相，然後再send返我哋email，真係好好啊！