影像咖啡 (已結業)

超就腳，就係觀塘港鐵站D出口就到，和友人吹水既好地方，老闆非常好笑容，隨餐仲送左杯有機柚子茶我地飲。好正。我叫左個雞扒飯。場雞扒係我食過最厚身既。一啖放落口係好滿足既感覺。值得一試

觀塘工廈隱世抵食之選😋觀塘Lunch時間周圍搵食都好難但呢間餐廳環境都幾大 容納到唔少人 去左兩次都順利搵到位環境簡單乾淨 老闆仲好nice提醒我地有wifi添午餐最平$45 又平又抵 絕對有誠意漢堡扒配德國腸飯，有賣相有味道。上次食左個沙嗲 都一樣好好食，都只係$45每個餐都配一杯養生茶 可以簡檸檬或者柑橘配養生茶茶味都幾重 唔錯今次我就決定試埋佢個奶茶支裝冰鎮奶茶，味道都好好 唔會好甜而且只係加$5 就可以，值得一試。lunch黎試下photocafe 絕對係抵食之選。

意想不到觀塘工廠區隱藏低調但高水準樓上西餐咖啡，快餐店價錢可以吃到酒店級數的食品，認真物超所值，環境也不錯，40幾元可以吃到高水準的西餐，而且咖啡也不錯，不需排大隊等坐位，環境寧靜，真是觀塘區忙裏愉閒的好地方。

今日同朋友嚟咗觀塘工業大廈學拉花咖啡☕️兩個鐘頭嘅課程好快就完咗梗係去搵食嘅時候喇。。話說頭先搭地鐵係觀塘D1出口外面，見到有張宣傳單張貼左喺工業大廈正門，又咁啱俾我發現到，一聽個名就知係攝影為主題，既然我哋又諗唔到食咩，一於去望吓先😍😍😍一去到門口就俾個外牆吸引左，果然係工業區開嘅咖啡店都充滿着工業風，老闆好有誠意咁邀請我哋睇下個Menu，又話叫我地入嚟參觀下，唔食都唔緊要！原來咖啡店入面有一半嘅位置係可以幫客人影相，薛家燕個仔啱啱結婚都係搵佢地影相仲有啊，原來幫襯咗滿$60，老闆就會幫我地影一張相，影到你滿意為止環境又好，老闆態度好，一於就揀呢間啦🥳🥳我哋嗌左個煙三文魚意粉同埋大菇意粉，配買兩杯茶，(我唔記得叫咩)食物質素都OK嘅，老闆見我哋食咗一半就冇食就不停問係咪唔好食，其實我哋掛住傾計食完野無耐老闆就幫我地影相，然後再send返我哋email，真係好好啊！

環境舒適，適合聚餐和朋友一起傾過暢快，還可以有不同主題拍攝，啱晒鍾意selfie&影相嘅人。仲有專業攝影師幫你影過夠，一家大細去都照影。。。個場租嚟開趴地都在得呀！