花楽 (翩滙坊) (已結業)

見到雜誌上介紹花係料理，和風下午茶，專登過嚟一試，由將軍澳地鐵站站行到海邊嘅「花樂」已經汗流浹背！星期六下午，客人不算多，坐低先知道下午茶要2:30開始，但經理哥哥很好，可以先下單，奉上蘋果花茶，美食就2:30準時送到！前菜有沙律、鮑魚、雞泡魚干，之後兩層的花係鳥籠層架下午茶，立即打卡，不亦樂乎！鳥籠上層有海膽、虎蝦、呑拿魚、魚蓉壽司及多士，仲有日本蠔！下層是甜品，有綠茶蛋卷，班㦸卷、日式蕨餅及和菓子。我同朋友當係午餐嘅關係，有點不夠，所以多叫了一些串燒。總括而言，餐廳環境優美，鳥籠下午茶打卡一流，充滿日係少女色彩，食完下午茶後再沿單車徑漫步回地鐵站，樂事！