走過十萬八千里找到你

营业中

休息中

餐廳出面十分簡陋，正門都冇個，類似係1個後門既地方入左去。入到去，的確見到好多花係餐廳每一個角落，後生既店員帶我同朋友坐係靠窗既位置，一張長枱4人坐，坐出面既一長木椅坐2人，長木椅高低不平，每次郁一郁都會跌一跌，好困擾。餐具方面，見到匙羹同叉都好污糟。冷氣都好唔夠涼，之後知道原來壞左。我再望一望其他人食既野都好唔吸引，例如見窩夫係淋的，所以我地決定淨係飲野坐一陣。鮮奶焙茶＆玫瑰抹茶鮮奶焙茶味道偏淡，冇乜特別，十分普通。反而玫瑰抹茶味道出少少，玫瑰同抹茶既味都夾。總括黎講，成間餐廳十分之細，環境影相可以，坐位唔舒服，飲品質素好普通，如果你想去影相可以，但唔好期望係高質。