TERA (寶發大廈)

营业中

休息中

📍佐敦 TERA之前經過呢一間餐廳，已經覺得佢嘅style好正，好簡約得來又見到佢有精緻嘅裝飾。今日行過佐敦，諗唔到食咩，於是就打算嚟食疏乎厘。呢間餐廳嘅疏乎厘好出名，係由曾經去到法國藍帶深造嘅廚師主理，可想言之係幾出色🩵。٩(˃̶͈̀௰˂̶͈́)و香蕉Speculoos曲奇梳乎厘Pancake $108梳乎厘鬆軟蓬鬆，一摸落去就感受到彈彈吓彈彈吓嘅質感，令人感到好有空氣感。仲有，梳乎厘上面放咗香蕉同埋Speculoos曲奇，呢兩種材料嘅組合好得意，香蕉帶嚟嘅甜味同曲奇嘅香脆口感超夾🩵Oreo窩夫 $108佢嘅窩夫係啱啱烤好，所以熱辣辣非常好食，加埋面頭嘅cream同埋Oreo碎，口感好豐富，而且唔會非常甜，味道啱啱好。🦖明太子蟹肉意粉 + 蜜桃玫瑰梳打 $156明太子嘅鹹香同蟹肉嘅鮮甜相結合，帶嚟一種絕妙嘅味道體驗。意粉煮得剛剛好，彈牙又有咬勁，每一口都令人回味無窮。而蜜桃玫瑰梳打則係一個絕配，清新嘅蜜桃味同玫瑰嘅芬芳融合一齊，幫助中和意粉嘅濃郁味道，真係一個完美嘅搭配。