影片
更多
2009-03-21
4 浏览
今次係我第一次寫食評, 請各位多多支持我之前應承左我個朋友話會請佢食飯，剛巧睇到報紙廣告話依度有鵝肝自助餐 - 仲話有七折添! 於是立即約埋朋友仔一起去擦餐勁的。當晚六點半到，已有不少人開始食緊。我們巡了一圈，發現其實食物選擇不多，也沒有太多喪吸引的食物。冷盤: 我食了三文魚刺身, 質素唔錯, 幾好。不過刺身款式不多，連吞拿魚都沒有。另一主打冷盤長腳蟹就令我們大失所望；又鹹，肉質又削，又唔新鮮，一Ｄ都唔好味。其他冷盤都唔多吸引，無生蠔只有青口，但又係一般；龍蝦仔和螺仔都唔好食。壽司就無試過，因為我一向食自助餐都唔會食壽司的（要留肚食貴嘢，哈哈）煙三文魚都唔新鮮，灰爆沙律吧：有多種蔬菜和醬汁選擇，都ＯＫ，另外，生果質素不俗，有蜜瓜，西瓜，波羅，火龍果，連香蕉都有！而且都幾甜～熱盤：款式唔多，大部份都係大路嘢，質素又勁普通（唔稱得上好味囉）。鵝肝係主打食物，所以一路都有人排隊（我都好同意下面果位網友說的，餐廳應該想辦法解決長龍＂阻街＂的問題）我自己分了三次，一共攞了六件鵝肝，質素一般，食落會一啖幾好味，但一啖好騷咁。後來因為幾件都好騷，而且部份又煮得唔太熟，唔想食甜品：選擇不太多，而且唔多
我之前應承左我個朋友話會請佢食飯，剛巧睇到報紙廣告話依度有鵝肝自助餐 - 仲話有七折添! 於是立即約埋朋友仔一起去擦餐勁的。
當晚六點半到，已有不少人開始食緊。我們巡了一圈，發現其實食物選擇不多，也沒有太多喪吸引的食物。
冷盤: 我食了三文魚刺身, 質素唔錯, 幾好。不過刺身款式不多，連吞拿魚都沒有。另一主打冷盤長腳蟹就令我們大失所望；又鹹，肉質又削，又唔新鮮，一Ｄ都唔好味。其他冷盤都唔多吸引，無生蠔只有青口，但又係一般；龍蝦仔和螺仔都唔好食。壽司就無試過，因為我一向食自助餐都唔會食壽司的（要留肚食貴嘢，哈哈）煙三文魚都唔新鮮，灰爆
沙律吧：有多種蔬菜和醬汁選擇，都ＯＫ，另外，生果質素不俗，有蜜瓜，西瓜，波羅，火龍果，連香蕉都有！而且都幾甜～
熱盤：款式唔多，大部份都係大路嘢，質素又勁普通（唔稱得上好味囉）。鵝肝係主打食物，所以一路都有人排隊（我都好同意下面果位網友說的，餐廳應該想辦法解決長龍＂阻街＂的問題）我自己分了三次，一共攞了六件鵝肝，質素一般，食落會一啖幾好味，但一啖好騷咁。後來因為幾件都好騷，而且部份又煮得唔太熟，唔想食
甜品：選擇不太多，而且唔多吸引，唯一好ＧＥ係有一杯杯的Ha記雪糕（有strawberry, chocolate, vanilla, cookies n cream 四種味），其他的蛋糕大部份都唔掂，我主身好鐘意食tiramisu, 但係佢果個都唔係用正宗方法整的（邊有tiramisu入面係白色的忌廉ＧＡ？）
總括來說，整晚都無一樣食物係令我同朋友回味無窮，或者讚口不絶的。而且餐廳WAITER的數目不夠, 收碟速度又慢，上菜速度又慢（等了好耐才攞到長腳蟹）
都係果句：平嘢無好，好嘢無平。本來想請個朋友好好咁食番餐，都知食了個灰爆晚餐，雖然我們最後都食得好開心，不過我以後都唔會再幫襯囉。
张贴