河畔強記雞粥海鮮酒家 (已結業)

幫襯過強記好幾次，次次行山經過或者起呢頭附近都會想食。 佢個乳鴿好似愈黎愈貴，而家$55蚊隻。不過其實都算大隻，啖啖肉又juicy,唔會太咸，好食啊。鮑魚雞粥$25 都算抵，一大煲。 鮑片有兩塊，雖則粥不算太綿， 但啲雞幾好食幾入味，一煲都有成四碗嫁兩個人叫左個孖寳$138叫左白灼蝦，大大隻彈牙唔會霉，都幾新鮮，有鮮甜味薑蔥蟹都真係幾大隻，啖啖肉。記得以前去長洲食果啲又係二百蚊簡兩個餸，全部都係蝦毛蟹仔，所以強記真係幾抵食，起碼真係真材實料。埋單每人百四蚊仲有糖水送，紅豆大大粒，甜度岩岩好，平時最怕酒樓d 紅豆沙又甜又重果皮味。呢個好味啊，食完好滿足，超飽😍正啊。