潮庭 (太古城中心)

营业中

休息中

今日想食潮州嘢，附近只有呢一間，本來冇乜期望，但入到去都覺得坐得幾舒服，而且裝修唔似酒樓，有新鮮感。平時飲茶都會食鹹水角，但呢度嘅鹹水角加咗欖菜，加入左潮式風味，喺出邊未食過，有啲驚喜哦。馬拉糕唔係平時用嘅黃糖，反而用咗黑糖，多咗黑糖嘅清香。馬拉糕做得又鬆軟，食得好開心。已經好耐冇食過鵪鶉旦燒賣，三粒大大粒而且入邊仲加咗潮州人好鍾意嘅大地魚，香口咗好多。反而呢個酥炸脆脆碎腩粒係今日咁多樣嘢比較失色嘅一味，其實我好鍾意食炸牛腩，但由於佢用嘅係碎腩粒，大小不一，而且相差都幾遠，其中有啲係一整舊嘅肥膏。我覺得炸腩粒不妨可以用稍為瘦啲嘅牛腩，出到嚟嘅感覺會冇咁油膩。