聞心記 (已結業)

沙田站📍聞心記-沙田呢間小店係新開，見到佢有濃雞湯配鹹蛋碎飯，幾吸引！一於試試佢😋濃雞湯配鹹蛋醉飯（$39）雞湯好濃好甜，食得出冇味精，食完唔頸渴，配埋嫩雞胸、鹹蛋碎，呢個湯飯夏天好易入口！之後食湯飯多數都係鴨腿湯飯，原來呢個配搭都唔錯👍🏻份量對女仔黎講就差唔多，男仔就差少少🤏秘製牛肋肉腸粉（$35）本來想叫個牛肋肉飯，但見到有腸粉呢個option又幾新鮮！牛肋肉好入味，連舊蘿蔔都一樣入味！腸粉細細粒，一開始用筷子食，食食下唔對路，轉用匙羹就岩岩好。腸粉吸左牛肋肉準精華，都幾惹味，不過下次會叫飯，咁就飽肚d。炸麻辣/腐乳單骨雞翼（$10@4）雞翼炸得香口，麻辣味唔算太辣，但幾惹味😜腐乳雞翼都唔錯，不過可以再濃味少少🤏另外可以加$3換紙包飲品/芫荽水。女朋友試左芫荽水，幾下火（同相像中既芫荽湯原來係唔同味😂，get錯左）。環境方面，呢間店舖係係街市入面既食店，堂食有幾個位置，不過多數人都係外賣。店舖乾淨企理。