影片
依间喺广源街市入面嘅闻心记，听讲因为领展加租嘅关系做唔到落去，我由佢最后50日营业，睇住而家剩返两个礼拜，真系有啲唔舍得。其实佢个舖位喺巴士站一落街市嘅门口位置，啱啱喺成个街市食肆街嘅第一个舖位，所以都几吸晴，不过我都系因为佢嘅食物而帮衬佢，而唔系因为地理位置。呢两个月大大话话我都帮衬左10几次，基本上是晕晒佢舖头嘅所有食物，除咗佢王牌鸡汤捞粉同埋汤饭之外，𠮶啲饺子啊，可以配嘅小食呀，同埋咖喱牛肋骨饭啦，我都差唔多试匀晒架喇。持续帮衬佢哋，除咗系因为佢啲料都算新鲜同埋几好味个鸡汤之外，仲有佢哋老板娘同老板两个人都几好咁，希望迟啲开返会话我知再去帮衬佢哋啦！
继续阅读
到黄泥头探望朋友，临走时有啲饿就走入广源市场，即刻见到近门口呢间小店—闻心记，食物都几啱个人口味，就决定试下～🥰🐥嫩鸡胸浓鸡汤饭$40门面大大只字写住「浓鸡汤」，食过就知确系货真价实👍🏻首先份量冇得输，一碗足够两人分享，满满饭粒唔会太软，泡于汤中口感依然保持有咬身🍚。配料方面有菜有咸蛋，重点系嫩滑鸡胸，简单用黑椒腌制过，单食都有肉汁，鸡味仲好出。最值得一赞系个汤头，估唔到完全唔咸零味精味。鸡味简单得来相当浓郁且新鲜，另外有种油香混和系当中，就算唔系捞饭，伴菜亦十分滋味😋绝对可以系健身、减肥、老幼人士之选！🐂炆牛肋肉（净食）味道方面好特别，有种独特香料嘅味，相对鸡食有层次，比较适合喜欢浓味嘅人👍🏻。牛肋肉肉质软腍，份量亦不少，有适当嘅脂肪而唔会过腻。最正系肉汁丰富，捞粉面都好夹，会带俾人一种满足感。另外小食都挑选咗两样，性价比不错🌟先系碗仔翅，大大碗好够香滑，配料唔算太多但经已有齐，例如：木耳丝、粉丝、腐皮丝等。食落感觉同坊间唔同，了解过先知原来用上鸡汤制作，果真用心，用料亦好上乘💯压轴出场系腐皮春卷，外面好少见，决定一试。佢利用咗腐皮包住啲鱼肉，手势都唔错卷得几实中间冇松开，唔会见到有通窿。鱼肉方面食得出鲜味十足，味道系最浓最咸，好够惹味，送酒就最正！🍻
继续阅读
前几日去咗沙田广源邨探朋友，顺便系楼下买啲外卖上去一齐食。翻新咗既广源市场新开咗好多小店，见到呢间闻心记有我最爱既鸡汤！仲标榜无味精，绝对系健康滋补之选～嫩鸡胸鸡汤菜鸡汤系每日人手新鲜熬制，完全冇落味精同鸡粉，饮落特别香浓鲜味，招牌鸡胸肉口感超嫩滑，配埋新鲜香甜既娃娃菜，健康又好味！！炆牛肋肉肉质鲜嫩，炆得软腍入味，口感极佳。烧汁猪颈肉入口软滑爽弹，酱汁香浓惹味，拌饭一流。炸麻辣单骨鸡翼单骨鸡翼方便又易咬，炸得香脆又JUICY，味道够香辣～鸡汤底粥加配菜脯、咸蛋碎粥底好棉滑，配以韧脆菜脯同咸蛋碎，超惹味。
继续阅读
钟意四围揾食嘅我，今次去开广源邨就试左闻心记 💕地方干净企理，但疫情关系，我都系外卖番屋企食😂😂😂💕鸡汤配咸蛋醉饭标榜完全无味精，鸡汤好香好浓，鲜味十足唔会好咸😱😱😱鸡胸肉出奇地非常嫩，完全食唔出系胸肉，健康同时又好味，大惊喜，配埋咸蛋碎😍鲜得黎有阵咸蛋既香，好惹味，连平时唔食汤饭嘅我都食晒，而且都几大碗，材料充足，推介推介👍🏻💕秘制猪颈肉卤汁饭（$35）本来想叫个牛肋肉饭，但去到已经无晒啦，就试下呢个见到秘制猪颈肉卤汁饭，猪颈肉好入味，而且好嫩口，而且饭都入晒味，以为会好咸，但我觉得刚刚好，同样材料好多，值得一试🙆🏻♀️💕炸麻辣，腐乳单骨鸡翼鸡翼好香口，唔算太辣，细细只好易入口，腐乳鸡翼都几好食😋❣️可以加3️⃣蚊可以换纸包饮品/芫荽水
继续阅读
早排只手条筋发炎，睇完痛症就有d饿，落左去就近既屋村街市入面，食d野医下肚✌️🥰佢哋街市翻新咗，入面有好多小店，全部都好有特色👍👍有一间几吸引我既小店系每日以鲜鸡🐣熬出浓汤❌不加味精及鸡粉调味，除可以配饭/米粉外，仲有汤肠粉选择🤤🔸浓鸡汤肠粉 （+咸蛋碎 $3）$39出面少有食到汤肠粉，肠粉粒好滑溜连埋左咸蛋碎既🐥鸡汤一齐食令味道层次更丰富😋🔸麻辣🌶/腐乳炸一字骨鸡翼出面好少店铺食到腐乳炸鸡翼，两款都炸到外皮香脆，食落口又juicy💦✌️好食到可以encore🔸秘制牛腩肉炆得好入味，牛腩肉完全唔un，嚟做𩠌或者送饭一流😍😍👍👍
继续阅读