鮨真 (已結業)

尖沙嘴食肆成行成列，今次同朋友去漢口道個頭覓食🤤睇中依間廚師發板食壽司💙一開始係清甜前菜，有蕃茄同栗米，蕃茄沾鹽食增加層次，清爽無比先；粟米非常甜，加上冰鎮溫度，為後來嘅壽司降溫☺️佐菜完全唔馬虎，值得一提係薑係睇住師傅切，一片一片手起刀落😗同埋準備咗毛巾仔比你抹手指食壽司🙋🏻左口魚配上岩鹽同柚子皮，白身肉嘅細緻加上口味變化，爽口肉身係我最愛🤤大尾魷塗上一層薄豉油，微卷嘅魷魚彈牙🦑深海池魚同鱆紅魚口感比較類近，但池魚更有油香☺️☺️☺️池魚都係我愛魚之一🤤銀鱈魚比較少見，油香都唔少，比起其他白身魚多咗份豪爽嘅感覺；金目鯛微微燒過，皮燒得非常香口😗秋刀魚加上白昆布、蔥，係依家時令魚之一！新鮮秋刀魚唔係平價魚，加上油脂豐富，令人驚喜😌鯖魚配上大葉、壽司薑，一樣係令人推翻佢係平價魚嘅印象，鯖魚魚肉更為結實；鰹魚就有茗荷、蔥、薑點綴，佢本身都係我喺京都生活嗰陣嘅魚生首選❤️美味赤貝新鮮🤤肉身勁厚；石垣貝係上菜前就拍打，爽口美味，兩者一啲都唔腥❤️❤️❤️海膽肥美鮮甜，口感超豐厚；筋子係新鮮嘅三文魚個仔，比起平時一啲腥味都冇，而且口感綿長☺️尾聲一定會出現嘅拖羅肥美，左口魚邊燒過，兩個嘅油脂都爆咗出嚟🐿最後加個蜆