鮨金和食料理 (已結業)

工作壓力大，係時候獎勵下自己，今次去咗未去過嘅日本餐廳——鮨金，試下佢哋嘅Omakase！坐低之後，周圍望下，見到好大個海鮮缸，有大大隻生猛長腳蟹，另一邊又有好多靚和牛，食物質素肯定唔錯！Omakase 嘅set都有唔少款，大部分餐廳嘅選擇都唔多，呢度幾好！揀咗個綺羅星，主打食壽司，男仔都係鐘意食d飯落肚！前菜的的式式，幾鐘意個蟹肉豆腐，凍凍地，綿綿嘅口感，吃到淡淡嘅鮮甜味！之後有蟹肉蒸蛋，蟹肉甜味混合嫩滑嘅蒸蛋，perfect match！第一位佳麗係左口魚壽司，上面有辣蘿蔔蓉，要一提，大部分壽司司傅已經有調味，所以唔使再特別沾醬油！深海池魚幾爽口彈牙，魚肉味同左口魚都係清淡一點，新鮮！真明鰹，第一次食，屬於時令食材，魚肉帶點肥美！金目鯛好正，爽甜魚肉上又帶d爽口煙韌嘅魚皮，好鮮！我成日都覺得鯖魚刺身比煮熟好味，魚上面有醃過嘅昆布，好有層次感！有時令食品螢光魷魚，煙韌爽口又夠鮮！不錯！吞拿魚醬油漬拖羅真係好正，仲要好靚，三層，入口溶化，油脂好重！跟住個手卷又係震撼味蕾！滿到瀉嘅海膽，上面鋪滿淡雪鹽，大啖咬一口，感覺到好幸福，成個口腔都係鮮味！海膽好高質素！之後有超甜嘅無花果同鹽蕃茄，