影片
更多
2018-08-29
134 浏览
黎到呢間餐廳，就要做一個決定，究竟係食鐵板燒好，定係壽司刺身好，最後兩者之中，我地揀咗廚師發辦壽司刺身~先黎嘅係一啲小食，但係絶對不容睇少，分別有螢光魷魚、酒盜芝士同和牛海膽。先試螢光魷魚，唔會好腥，口感幾好；之後試酒盜芝士，其實即係一啲魚嘅內臟整成嘅醬，再配上牛奶軟芝士，鹹醃嘅酒盜帶少少嚼口，而芝士可以平衡下鹹味，送酒一流~好戲緊係在後頭啦，中等厚度嘅和牛片，包裹住海膽，最後用火槍燒一燒表面，肉質好軟淋，而牛汁都充滿牛香，估唔到同海膽嘅鮮甜味幾夾，兩者唔會搶過另一邊嘅風頭跟住師傅拎出一大隻新鮮又生猛嘅龍蝦，佢話係美國龍蝦黎，而佢將會整成龍蝦刺身，真係唔係度度有得食，十分鐘左右，龍蝦刺身就上場喇，為咗顯示出佢幾咁新鮮，師傅用龍蝦頭黎做伴碟，你係可以見到龍蝦頭對眼同啲鬚都仲會微微郁動。一粒粒龍蝦肉刺身望落有少少似龍眼肉，食時點一點醬油同芥末，講真其實佢本身係無咩味道，只係口感好爽口，微微鮮甜，感覺煎香嘅龍蝦味道會好啲接著係三款刺身，師傅係呢道菜到挽留番我嘅胃，先有魚配上松露醬同海膽，再有吞拿魚配魚眼肉蓉，最後就係新鮮赤貝。值得一讚係馬糞海膽，好鮮甜，唔會有討厭嘅腥臭味；其次係魚眼肉蓉，師
5 浏览
0 赞好
0 留言
先黎嘅係一啲小食，但係絶對不容睇少，分別有螢光魷魚、酒盜芝士同和牛海膽。先試螢光魷魚，唔會好腥，口感幾好；之後試酒盜芝士，其實即係一啲魚嘅內臟整成嘅醬，再配上牛奶軟芝士，鹹醃嘅酒盜帶少少嚼口，而芝士可以平衡下鹹味，送酒一流~好戲緊係在後頭啦，中等厚度嘅和牛片，包裹住海膽，最後用火槍燒一燒表面，肉質好軟淋，而牛汁都充滿牛香，估唔到同海膽嘅鮮甜味幾夾，兩者唔會搶過另一邊嘅風頭
5 浏览
0 赞好
0 留言
10 浏览
0 赞好
0 留言
跟住師傅拎出一大隻新鮮又生猛嘅龍蝦，佢話係美國龍蝦黎，而佢將會整成龍蝦刺身，真係唔係度度有得食，十分鐘左右，龍蝦刺身就上場喇，為咗顯示出佢幾咁新鮮，師傅用龍蝦頭黎做伴碟，你係可以見到龍蝦頭對眼同啲鬚都仲會微微郁動。一粒粒龍蝦肉刺身望落有少少似龍眼肉，食時點一點醬油同芥末，講真其實佢本身係無咩味道，只係口感好爽口，微微鮮甜，感覺煎香嘅龍蝦味道會好啲
8 浏览
0 赞好
0 留言
6 浏览
0 赞好
0 留言
接著係三款刺身，師傅係呢道菜到挽留番我嘅胃，先有魚配上松露醬同海膽，再有吞拿魚配魚眼肉蓉，最後就係新鮮赤貝。值得一讚係馬糞海膽，好鮮甜，唔會有討厭嘅腥臭味；其次係魚眼肉蓉，師傅仲俾我地睇嗰一大隻吞拿魚魚眼，可以睇得出本身條魚一定超大條!!師傅話如果想試到魚眼肉刺身，唯一嘅方法就係雪成一舊魚眼冰咁，之後再磨成魚肉蓉，真係幾特別嘅處理方法；鮮赤貝唔需要特別講解，就係鮮甜、爽口、彈牙~
5 浏览
0 赞好
0 留言
再者係半熟嘅燒辣三文魚片，要影相就要快，因為太耐嘅話濕氣就會傳入脆脆嘅紫菜片到，紫菜口感就會淋同黏口，所以影一陣就好快啲食喇~三文魚燒過之後，油脂流出黎，有啲入口即溶嘅感覺，微微辣嘅味道，幾開胃口
3 浏览
0 赞好
0 留言
之後係燒穴子，穴子即係海鰻，其實係價錢較平嘅鰻魚黎，所以口感都無鰻魚咁好食，不過呢到嘅燒穴子比一般嘅海鰻口感更加實，而且淡嘅燒烤味都幾惹味
食咗咁多魚，休息一陣，食下啲漬物清清味蕾，醃蘿蔔配柚子，爽脆口感，味道甜甜，兩者味道唔係唔夾，但係又未到超夾，算不過不失啦
3 浏览
0 赞好
0 留言
中場休息完，就上場再戰壽司喇，象拔蚌壽司口感微微爽口，不過個人覺得赤貝嘅口感更加好，同埋象拔蚌帶有少少腥味，所以一般啦
4 浏览
0 赞好
0 留言
另一款壽司係帆立貝壽司，見到厚厚嘅帆立貝，就知味道一定有保證啦，口感超豐富，爽滑鮮甜，真係好正啊
6 浏览
0 赞好
0 留言
再有就係吞拿魚壽司，好彩食落平時討厭嘅鐵血味，質感同味道都唔錯，但係我個人都係鍾意食拖羅多啲，因為魚脂較多，口感更加嫩口
4 浏览
0 赞好
0 留言
食咗咁多生冷野，終於有碗熱嘅湯暖下胃，而呢個湯係用頭先嘅龍蝦刺身嘅腳熬嘅，味道唔會太濃，而係清清地，可以一洗之前嘅魚油膩感，湯底微微清甜，唔錯
4 浏览
0 赞好
0 留言
最後就緊係有甜品啦，佢係餐廳自己整嘅清酒雪糕黎，真係好特別啊，淡淡酒嘅甘香，再配脆脆嘅酒糟粒，幾清新好味~
张贴
