心鉄板燒 (已結業)

同老婆好耐冇去過尖沙咀食飯，之前都比較少食鐵板燒，之前係日本食過，但係香港唔係好多地方有得食，我地發覺尖沙咀有間鐵板燒不錯，把心一橫BOOK左枱先。【前菜：海膽青瓜伴通粉、青花藜麥沙律、芝士蘋果多士】青瓜好新鮮又夠爽口，海膽非常creamy又夠鮮甜；藜麥沙律，內裡蔬菜非常新鮮，再配埋水牛芝士，不錯；芝士蘋果多士，非常清新又唔漏。【松露蘑菇湯】松露味非常香，再加上勁多的蘑菇令到湯的味道更加香濃，又夠creamy。【西班牙紅蝦配蕃茄辣汁】師傅燒得很用心，蝦腳燒了很長，炸得非常脆。蝦肉就燒得剛好有彈性。蝦頭裏的膏都挖出來，再加上調味汁淋在蝦肉上，鮮味十足。【日本A4和牛厚燒配牛舌心】廚師真係好好，可以比我們試到和牛五成同七成熟既效果，五成熟是入口即溶但帶點油脂，七成熟就帶點口感但都非常軟淋，兩者都非常喜歡，可以試到唔同成熟度既和牛，不是好多地方都做到，極力推介。【季節野菜】野菜夠新鮮，也夠爽口，不算太濃味，不錯。【小女子炒飯】炒飯炒得好好，又夠獲氣，飯粒又粒粒分明，配料十足食食下就好快食哂。