鳥炎屋 (已結業)

最近去咗尖沙咀一間樓上居酒屋，一入店就受到店主超熱情嘅款待，有種賓至如歸嘅感覺😆.🥗沖繩海葡萄沙律 $68驟眼睇落似係魚子醬放上和風沙律🤣 海葡萄味道帶海水咸味，口感帶爽，非常特別！🐮鐵板牛舌粒 $128牛舌肉質軟腍，配上日式照燒汁，屬於帶甜嘅牛舌做法，墊底嘅洋蔥好爽甜😛🐮燒牛舌串 $55同鐵板做法唔同，串燒厚切牛舌爽口，外層微微焦脆，好味！🍳鰻魚玉子卷 $85玉子卷嫩滑充滿蛋香，鰻魚肉彈牙，整體唔會太油👍🏻🐟鹽燒多春魚 $68/3條多春魚燒得好香口，肉質佈滿魚汁，滿肚都係魚子呢🤪🦐櫻花蝦炒飯 $118炒飯份量大方，飯粒炒得乾身、粒粒分明，食完飽飽滿足嚕🥰