高哥一Cook (已結業)

半年前原本特意去試佢最出名既乳鴿，誰不知太受歡迎，若無預早於Facebook 預訂，就唔可以即場購買。今日，湊巧經過附近，特意去碰碰運氣，相信老闆已比以前預備更多貨源，見門面仍吊住等待風乾既乳鴿。落單後即時炸乳鴿，等待約5-7分鐘即可以，然後急不及待幫佢影相。準備揾紙巾既時候，發現袋內已預備透明手套，方便買後即時係附近食。整個乳鴿既皮炸得香脆、顏色均勻，咬落去即嚐到鮮嫩滑漏既肉，根本唔需要任何既調味料或醬汁，就可以原汁原味品嚐到乳鴿皮香肉嫩既感覺。