六游

营业中

休息中

今日同朋友係中環嘉咸街壁畫打卡，咁啱望到對面有間樓上舖主打上海麵，天氣咁涷，要食翻碗麵暖下身。店主話可以飲埋個湯，因為自家熬製了48小時，沒有味精，成份天然。我飲完當晚都真係冇感到口渴，值得一讚😋六游香辣雞湯上海麵唔太食到辣嘅朋友可以要求要小辣，秘製辣汁令雞湯多咗一個層次，辣而不嗆，卻令我吃得過癮。配料有雞胸、雲耳、蓮藕、炸乾葱，相比一些上海老店，我覺得店主選擇的配料更健康和有營養。我最喜歡雞胸，用慢煮的方法處理，質感軟腍，帶有少少香草味，比起便利店買的現成雞胸肉，好味好多。六游三鮮魚湯上海麵湯底充滿鮮甜的魚味，但一點也不腥，配料豐富，有蝦、蟹肉、墨魚仔。蝦肉去掉殼，加分～蟹肉鮮嫩。墨魚仔爽口彈牙。每口都嚐到唔同的味道，很有驚喜。上海麵有啲似煙韌的河粉，條條分明，掛湯且爽口。蟹肉黃金蓮藕爽脆的蓮藕條，再塗上蟹膏蟹肉，邪惡小食散發濃郁鹹香的香氣。焦糖番薯酥脆香甜。食煨番薯就太dry，整到好似炸薯條咁，再加焦糖，即刻大人小朋友都會喜歡，冬天食完更加暖笠笠🥳