The Joomak (已結業)

同朋友去尖沙咀食飯，佢地見到呢間有好多人排隊，基於羊群心理，都排埋一份，等咗大半個鐘至有位。韓牛沙律 $17x上檯o個下，我地3個人都 O咗嘴。咁細份ge?! 我知道韓牛貴，但$17x，加埋一成兩舊水ge菜式，你都可以俾多兩條菜我呀... 少得可憐... 牛肉好多油，上面鋪咗d芝士粉，d芝士粉太鹹，蓋過晒d牛味。伏...卡邦尼年糕 $68又係細細份。係份都算啦，d年糕勁硬，好明顯未煮得夠，d汁...唉，不如金寶湯好味，同 Schoolfood 差幾條街泡菜煎餅 $88普普通通,總算無前面兩樣咁伏,但都唔算好味。其實無咩泡菜味。韓式松子吞拿魚飯卷 $98終於有樣似樣少少ge野食。 吞拿魚沙律+青瓜+紅蘿蔔絲+酸蘿蔔，ok開胃。不過以一百蚊ge standard，佢係唔合格，頂盡值 $60總結： 全部overpriced， 唔值得等咁耐去食。唔好以為價錢貴d就會service 好d，d侍應係會扮睇你唔到，無論服務，食物都令人失望。