TIT*F (已結業)

早0個排行過呢頭幾次，記起有食家話呢間野正，所以專登搵下佢係邊，點知搵左好多次，由摩頓台行去天后都搵埋，都係失望而回。琴日(25/10)又去搵，終於搵到，我諗之前係因為我去到時佢已關門，所以眼大睇過龍，見唔到。琴日終於試左，買左綠茶紅豆包、南瓜綠茶包、芝士奶黃包。一共買左三十蚊，唔平架。食完後有d失望，因為比想像中無咁好，亦無咁特別，我覺得美心0既南瓜包好食d。因為南瓜綠茶包0既味道唔甜唔咸，無咩味，幾淡。綠茶紅豆包幾好，但唔驚喜。總括而言，可能期望太高，所以失望啦。