古琴雅苑 (QRE Plaza)

营业中

休息中

今日同成班朋友嚟咗呢間好特別嘅京菜，一入到去個裝修都幾靚，啲人服務態度都非常之好，員工個個都好似好開心咁，值得一讚！我哋總共八個人叫咗個八人餐。頭嗰幾味頭盤都係嗰幾味野啦不過不失，個豆腐皮蛋幾特別，啲汁都幾香幾甜。主菜最好味就係蛋白帶子，做得幾好。個節瓜都唔錯，整得好林。但係最最最最最期待嘅都係個主角，就係片皮鴨啦！！！隻鴨係原隻上，個師傅係隔離即場切，師傅好好人好有禮貌，刀工非常好切出嚟唔會太多肉或者太多皮，個味道就梗係唔使講啦絕對係一流！值得推介！