影片
更多
2016-03-18
154 浏览
由地鐵站出要行大概10-15分鐘, 餐廳唔算大, 我地5個人坐卡位都可以, 如果多人去食可以坐一間房, 舒服啲。我哋成晚都食咗幾多野, 主要係想試下蒸氣石鍋! 多人去就可以試多啲唔同嘅小食同小菜啦!枱面上有幾種醬料可以自己揀, 青紅辣椒粒, 蒜蓉, 豉油等等, 岩晒我呢啲鍾意食辣嘅人。前菜有辣雲耳同拍青瓜, 味道唔錯! 係等緊海鮮熟果陣嘅口痕之選!招牌冰鎮蕎頭炒咕嚕肉 $128呢個係呢晚我最鍾意食嘅野, 熱辣辣上枱,咕嚕肉個皮炸得幾脆，肉質又唔「鞋」,最特別係用蕎頭炒咕嚕肉, 平時好似好少見呢個配搭, 個汁酸酸甜甜, 幾開胃。鮮淮山紅棗杞子蒸新鮮雞 $88我覺得呢碟相對抵食, 蒸雞嘅時間岩岩好, 都幾滑, 份量都唔少, 可惜係淮山同紅棗得好少, 如果多啲就好啦! 食咗一舊紅棗, 好好味!蒸鮮南非鮑魚有兩種調味, 蟲草花同古法雞油, 蟲草花味道就清淡啲, 雞油就食落香啲, 我就推薦古法雞油, 而且鮑魚都幾彈牙, 可以一試!日本大扇貝雖然要$88一隻, 但真係好大隻, 重有擺咗粉絲係底一齊蒸,可以吸晒啲鮮味. 好鍾意扇貝上面嘅剁椒同蒜蓉, 同扇貝味道幾夾!金銀蒜粉絲蒸蟶子王蟶子係紐西蘭蟶子
枱面上有幾種醬料可以自己揀, 青紅辣椒粒, 蒜蓉, 豉油等等, 岩晒我呢啲鍾意食辣嘅人。前菜有辣雲耳同拍青瓜, 味道唔錯! 係等緊海鮮熟果陣嘅口痕之選!
招牌冰鎮蕎頭炒咕嚕肉 $128呢個係呢晚我最鍾意食嘅野, 熱辣辣上枱,咕嚕肉個皮炸得幾脆，肉質又唔「鞋」,最特別係用蕎頭炒咕嚕肉, 平時好似好少見呢個配搭, 個汁酸酸甜甜, 幾開胃。
鮮淮山紅棗杞子蒸新鮮雞 $88我覺得呢碟相對抵食, 蒸雞嘅時間岩岩好, 都幾滑, 份量都唔少, 可惜係淮山同紅棗得好少, 如果多啲就好啦! 食咗一舊紅棗, 好好味!
蒸鮮南非鮑魚
有兩種調味, 蟲草花同古法雞油, 蟲草花味道就清淡啲, 雞油就食落香啲, 我就推薦古法雞油, 而且鮑魚都幾彈牙, 可以一試!
日本大扇貝
雖然要$88一隻, 但真係好大隻, 重有擺咗粉絲係底一齊蒸,可以吸晒啲鮮味. 好鍾意扇貝上面嘅剁椒同蒜蓉, 同扇貝味道幾夾!
金銀蒜粉絲蒸蟶子王
蟶子係紐西蘭蟶子, 好大隻, 蒸熟都唔會縮細好多, 唔似有啲蟶子咁「無肉食」,不過呢個唔同扇貝咁有啲剁椒係上面,唔加醬食就有啲淡。
甜梅菜蒸菜心 $79
有啲貴, 不過食咗咁多海鮮, 點可以唔食菜呢?
南瓜滑雞粥底 $128
個粥係一開始就會放落個石鍋度煲, 之後鍋上面再放蒸籠蒸海鮮, 咁就食到原汁原味! 個雞煮咗咁耐以為會好鞋, 點知又唔係喎, 雞件煮得比想像中滑, 但係個粥煲得唔夠耐, 口感無想像中咁綿,略為失望,我諗煲耐啲應該會好味啲。總括黎講, 我覺得蒸海鮮係無煎/炸咁惹味, 但係好健康,食完都唔怕熱氣!
张贴
