Steak Bar (已結業)

今日係Happy Friday, 收咗工之後,約咗個好姊妹食生日飯,今日嚟到中環蘭桂坊,一路行，行到最頂頂嗰度，有一間食牛扒嘅餐廳， 叫Steak bar, 雖然唔係好大間，但係都幾有格調。 我喺兩星期，前已經訂咗位。因為知道今日係星期五，一定好多人，入到餐廳，真係張張枱都坐滿人。好彩有訂枱！餐牌上嘅食物， 選擇唔係十分多。主要係以牛扒為主。有肉眼扒，有西冷，亦都有日本吉列牛。我哋揀咗頂級肉眼扒，七成熟，因為我朋友係大肚婆，佢唔可以食咁生嘅肉。然後加多一客蜜糖蒜香雞翼。有個沙律同日本豆腐做前菜，有非常清新嘅感覺。肉眼扒嘅部位比較多汁，不負所望，雖然七成熟，但好彩牛扒都好鮮嫩。雞翼煎得好香脆，超好食！今日我試咗個手工啤，苦苦地，少少苦澀。個味道都幾特別，苦澀得來亦都有啲果香。朋友嗰杯柚子蜜，佢因為大肚唔可以飲咁甜，所以就叫店員被杯清水，然後佢就一路飲一路加水，非常抵飲😂值得一提，呢度嘅店員服務態度非常親切，亦都非常了解顧客嘅需要，好有窩心嘅感覺！