三分俗氣 (已結業)

之前見飲食雜誌介紹寫佢出品唔錯，咁啱在Beecrazy 見到佢做團購有優惠套餐，於是買咗張同朋友去試，睇下係唔係真係本雜誌講到咁正：無味精真材實料！結果？係都算唔錯。二人優惠套餐菜式如下：前菜：子薑皮蛋——皮蛋係溏心，不俗不俗！湯： 係燉湯，但唔記得咗係乜燉湯……印象中份量足……主菜：咸蛋蒸肉塔——即肉餅也，煮得頗有屋企風味，真材實料。薑蔥怪味雞——雞都算幾嫩，薑蔥配合夠香！川椒肉碎油麥菜——呢樣油就多咗少少，但川椒肉碎做得極惹味！總括來說，水準算唔錯，加上用咗團購券，食得飽飽不過百鬆啲，幾抵幾抵！