至尊滿屋日本料理 (已結業)

今日同朋友慶祝生日，open rice完見呢間係瓊華樓上既至尊滿屋價錢ok就決定係呢到食放題。刺身拼盤刺身係厚切，三文魚既色澤好靚，紋理亦好清晰。咁多款刺身入面我最鐘意係佢既深海大赤蝦，大大隻，食落啖啖肉，味道又夠鮮甜。芝士年糕、香芋丸佢既炸物係新鮮炸起，夠晒熱同脆，咬落外脆內軟。燒紐西蘭香草羊鞍燒得啱啱好，唔會羶，平時唔食羊既朋友都可以試下。肉質唔會太韌，咬落好夠肉汁，香草味濃。燒菠蘿燒菠蘿係我既最愛！呢到既燒菠蘿燒得好香甜，夠晒juicy唔會好乾，忍唔住再encore左。食到咁上下就去攞野飲啦，呢到既野飲種類都幾多，飲品選擇都幾高質。除左可以去雪櫃拎飲品，仲可以寫紙叫特色飲品，幾特別。最後就係食甜品，除左平時放題會有既各款甜品生果，仲可以揀haagen-dazs或者movenpick雪糕。呢到既食物水準唔錯，但選擇偏少，如果可以多啲野食揀就perfect啦。