影片
更多
2010-09-20
19 浏览
今日一家三口去市中心行下, 到18:10左右, 諗住去呢間麻酸樂食晚餐, 點知仲有下午茶食喎, 下午茶餐至到18:30下午茶餐係自選一碗湯粉+一碟小食+一杯凍/熱玄米茶湯粉叫咗: 迷你三寶丸紅薯粉同埋迷你豬雞戀人紅薯粉, 因為預咗下午茶餐份量較少, 所以有一碗加底(+$5.00), 同埋要比百厭仔食, 所以兩個都要清雞湯, 味道都唔錯小食叫咗: 雞絲粉皮同埋蒜香骨, 兩個都好正, 淋在雞絲粉皮上面啲花生醬好香, 咸咸哋幾好味. 蒜香骨幾脆, 入口好香蒜味, 正!凍/熱玄米茶各一杯, 唔知點解, 凍果杯入口幾苦, 百厭仔飲咗一啖就話唔飲. 但熱果杯就唔苦, 仲幾香添.另外呢度啲職員好眼明手快, 話說百厭仔論論盡盡倒瀉杯茶, 我哋都未出聲, 職員非常快手, 以9秒9速度來抺乾淨, 真係唔該晒, 同埋會好主動幫你收起食完嘅碗碟, 唔使阻住晒, 抵讚!老公話下次會再嚟食晚餐, 試下佢嘅酸辣湯底!
下午茶餐係自選一碗湯粉+一碟小食+一杯凍/熱玄米茶
湯粉叫咗:
迷你三寶丸紅薯粉同埋迷你豬雞戀人紅薯粉, 因為預咗下午茶餐份量較少, 所以有一碗加底(+$5.00), 同埋要比百厭仔食, 所以兩個都要清雞湯, 味道都唔錯
小食叫咗:
雞絲粉皮同埋蒜香骨, 兩個都好正, 淋在雞絲粉皮上面啲花生醬好香, 咸咸哋幾好味. 蒜香骨幾脆, 入口好香蒜味, 正!
凍/熱玄米茶各一杯, 唔知點解, 凍果杯入口幾苦, 百厭仔飲咗一啖就話唔飲. 但熱果杯就唔苦, 仲幾香添.
另外呢度啲職員好眼明手快, 話說百厭仔論論盡盡倒瀉杯茶, 我哋都未出聲, 職員非常快手, 以9秒9速度來抺乾淨, 真係唔該晒, 同埋會好主動幫你收起食完嘅碗碟, 唔使阻住晒, 抵讚!
老公話下次會再嚟食晚餐, 試下佢嘅酸辣湯底!
张贴
