影片
更多
2021-06-20
167 浏览
深水埗不嬲都多好西食。今日咁啱見到呢間台灣小店，好想食家鄉菜呀，所以就入咗嚟試下。呢度嘅裝修好得意，好有台灣巷弄的懷舊feel 。除咗啲得意擺設，同埋啲牌仔之外，例如呢啲國小學生嘅故事仔poster都好趣致。呢度嘅地方唔大，但嗰日好幸運，同friend傾計坐咗三個鐘都仲ok，加分加分～～我哋嗌咗一個紅燒牛肉乾拌麵，同另一個牛筋牛肚乾拌麵 。呢度只要前面嗌咗主食，就可以用優惠價，後面嘅嘢飲減十蚊，變相加十幾蚊就有杯台式嘢飲，梗係叫啦。 紅燒牛肉乾拌麵嘅牛肉出乎意料地好食。首先佢嘅件數都多，然後每嚿牛肉煮得好淋，淋得嚟嘅有牛味，亦有牛嗰陣嗰層半透明嘅膏狀，唔錯。 牛筋牛肚麵嘅質素都幾好。牛筋喺燈光底下見到晶瑩剔透，重點係佢唔會淋到一pat pat咁，帶點咬口又好軟身 。牛肚爽口無腥味，而且好入味。反而乾拌麵應該係滾熟咗個麵再加肉燥， 變相唔係好掛汁，口感較軟身易斷開，味道偏淡，下次可以叫番飯類。兩杯嘢飲一杯叫咗抹茶紅豆少甜少冰，少甜之後抹茶嘅甘味更加出。紅豆都ok大粒，唔會煲到爛曬。朱古力珍珠奶茶的朱古力味都好出，不過珍珠偏細粒，同埋唔算好彈牙。整體呢餐都算唔錯啦～
呢度嘅裝修好得意，好有台灣巷弄的懷舊feel 。除咗啲得意擺設，同埋啲牌仔之外，例如呢啲國小學生嘅故事仔poster都好趣致。呢度嘅地方唔大，但嗰日好幸運，同friend傾計坐咗三個鐘都仲ok，加分加分～～
我哋嗌咗一個紅燒牛肉乾拌麵，同另一個牛筋牛肚乾拌麵 。呢度只要前面嗌咗主食，就可以用優惠價，後面嘅嘢飲減十蚊，變相加十幾蚊就有杯台式嘢飲，梗係叫啦。
紅燒牛肉乾拌麵嘅牛肉出乎意料地好食。首先佢嘅件數都多，然後每嚿牛肉煮得好淋，淋得嚟嘅有牛味，亦有牛嗰陣嗰層半透明嘅膏狀，唔錯。
牛筋牛肚麵嘅質素都幾好。牛筋喺燈光底下見到晶瑩剔透，重點係佢唔會淋到一pat pat咁，帶點咬口又好軟身 。牛肚爽口無腥味，而且好入味。反而乾拌麵應該係滾熟咗個麵再加肉燥， 變相唔係好掛汁，口感較軟身易斷開，味道偏淡，下次可以叫番飯類。
兩杯嘢飲一杯叫咗抹茶紅豆少甜少冰，少甜之後抹茶嘅甘味更加出。紅豆都ok大粒，唔會煲到爛曬。
朱古力珍珠奶茶的朱古力味都好出，不過珍珠偏細粒，同埋唔算好彈牙。整體呢餐都算唔錯啦～
张贴
