日本野 (已結業)

午餐餐牌有丼飯 咖喱同定食 送沙律同飲品 豐儉由人 我哋就叫咗個自選丼飯 可以任選紙上嘅四款配料 仲有得用優惠啲嘅價錢追加小食 認真 唔錯 當中加咗嘅海膽幾鮮甜 😋好難得起香港可以食到甘香嘅海膽 真心讚 另外我哋叫咗份石燒吉列霜降牛小排 加多小小錢轉定食 有埋昆布湯同飯 仲可以選擇要溏心蛋定溫泉蛋 夠哂圓滿 見佢哋呢度仲有出面較小見到嘅海葡萄 於是要多咗份海葡萄角切魚生沙律 魚生幾厚切入口都幾夠脂香 角切都唔係hea貨 海葡萄口感都係咁得意 呢碟沙律偏向酸香 好酸人士可以呷吓 呢餐亦唔小得邪惡小食 叫咗份雞軟骨 脆脆地點醬香甜脆口 都唔錯 嚟得呢間叫日本野 當然重點食刺身 壽司 我哋叫咗個極上七品刺身 有三文魚 油甘魚 牡丹蝦 活赤貝 帆立貝 海膽同八爪魚 非常豐富 有脂香 有啲夠軟滑有啲夠爽口鮮甜 值得推介😆