新記車仔麵 (已結業)

晚上在附近有飯局，但是日早了放工，又不想回家後又跑出來，唯有在附近走走。黃昏時份的銅鑼灣人流真多，就算是在下身形，在人潮中都給撞來撞去，真的很討厭。算了，還是逃入登龍街吃點東西消磨時間吧 !新記一向都火熱，店內客人長年八九成滿，每碗至少三四十蚊，收錢收到令人羨慕，看來稅局應該收到不少利得稅。望望點菜紙，最少都$36碗，閒閒地人均都$40，但往往吃完都只是一陣風，跟車仔麵原意平靚正，令窮人都可以飽肚的宗旨，是已經背道而馳。點了雙腸加韮菜配粉絲，雙腸是生腸及豬大腸，生腸一向爽脆彈牙，但新記煮得太耐，已令生腸失去彈性，而醋大腸亦是滷得超入味，至於粉絲一向少在車仔麵店遇上，淥透了再沾上牛腩汁又確實幾惹味。這種地道的香港風味，已日漸失去昔日的光彩，可惜。