一門 (已結業)

幾個女仔又聚餐呀！今次其中一個提出食日本嘢就揀咗呢一間一門，聽說要早訂座，仲要我地再三打去確認有冇位，幾巴閉!上到去成條走廊都好暗好黑，勉強可以睇到牆上面嘅掛畫。 入到去總算光猛，有啲似居酒屋嗰格局，油煙味都頗大。朋友說呢度的串燒好味，就即管叫黎試下啦!果然冇介紹錯。左: 鹿兒島豚肉串 口感有啲似豬腩肉，不過冇豬腩肉個層肥肉， 豬肉亦都冇羶味。中: 鹽燒活鰻鰻魚係好肥味㗎，不過有骨，鹽燒的味道比較偏淡。右: 雞肉串 簡單的雞肉串，入口出奇地覺得雞肉咁滑喎!東洋卷 人人都說必叫，真係必叫㗎! 落單時店員同我哋講可以分成三件，我哋就分三件啦! 首先嗰外皮好新鮮，好香，入面的牛油果、三文魚子、沙律配搭得宜。廚師推介十件呢個有啲失望，賣相係好新鮮，冇出水，但入口覺得魚生冇乜鮮味。 而且點壽司的豉油比較鹹。天氣凍，都係要食返少少暖身嘢。合鴨蕎麥麵去親日本都係同蕎麥面擦身而過，今日就係呢度試下啦! 鴨胸微微煎過，香口，沒有多餘油份，蕎麥麵煮得比較腍，但入口仍然覺得佢爽。湯底係甜甜地，可能係因為有柚子菊花同埋一啲蔥花。豚肉柚子豆腐湯豆腐超級滑，個湯底比較鹹，豚肉雖然係一嚿嚿，但係都可以食到係好嫩。店