幸福麵館

麵如其名，幸福感滿滿嘅車仔麵究竟係咩味呢？湯底每日用新鮮豬骨熬製8個鐘、秘製手炒辣菜脯、秘製辣椒醬、蝦米醬等等，完全感受到店家嘅誠意👍🏻

四餸盛惠$52，包飲品，麵底可以轉菜底，唔洗加錢之餘，菜嘅份量都唔少，啱曬減肥人士😋

秘製蘿蔔清甜軟爛，有成三四件，每件都好大舊～冬菇同豬紅都燜煮過非常入味，豬軟骨肥瘦相間，肉質軟淋，連軟骨位都係一咬就爛😻咖喱界花魷魚坊間車仔麵好少見，界咗花就彌補咗魷魚唔易入味嘅問題🤓

1

本身連熱飲，凍飲+$3，糖水係自己落，呢點超抵讚👍🏻輕輕鬆鬆自己調教甜度～

另外值得一提係兩位店員態度都非常好，即使繁忙時段已經忙到冇停過，但問佢地拎辣椒醬都即刻攞過黎，見到對其他食客態度都好好，有求必應🫡

40