幸圓 (已結業)

同老公喺鰂漁涌怪獸大廈影完相後，我地就去左附近一間食西日Fusion菜既餐廳醫肚。脆炸墨魚嘴伴七味蛋黃醬 $68超驚喜！ 無諗過咁大份。食落香脆爽口，沾埋蛋黃醬，邪惡非常。 清酒煮海蜆扁意粉 $148每次見到清酒煮蜆，我就不自覺會點一份。蜆肉肥美加上清酒煮後更鮮甜，伴爽口扁意粉， 簡直係完美。黑松露野菌魷魚筒墨汁意大利飯 $238店員極力推介！金黃色的魷魚筒包裹住滿滿既黑松露野菌，切開後黑松露汁如湧泉般流出，即時香氣四溢。（溫馨提示：小心d汁彈到衫褲上喔～）意大利飯外軟內韌，食落好creamy。 宇治金時芭菲 $58層次豐富，每層均有不同口感，包括有抹茶味雪糕、麻糬、白玉、蜜豆等，食落Q彈、甜而不膩，賣相相當吸引。Mango Paradise $58鍾意芒果，一定要揀Mango Paradise芒果汁mix菠蘿汁加少少蜂蜜，飲落唔會太甜膩，好消暑。