上海綠楊邨酒家 (已結業)

繼4月食完飯，轉眼已大半年。之前嗰日仲吱吱喳喳咁响Whatsapp講食乜，最後由阿姐之一提議去呢間。5個人叫咗10個涼菜/小吃/熱葷/包類/甜品：綠楊丁香雞－原來啲雞已去骨，皮下脂肪亦全無，雞肉鹹鹹地肉嫩滑，點埋個類似沙薑汁啲味更惹味。燻魚－燙口熱辣辣，甜甜地夠味，超正！酥炸千里香－即臭豆腐，香口又夠臭﹏蟹粉炒年糕－好多蟹粉又鮮香，啲年糕好煙韌彈口。其餘脆皮素鵝、鹹肉毛豆百頁、鹹肉煮津白、桂花酒釀丸子正常；三鮮鍋貼略為太多肉食落好膩；香蕉拔絲用忌廉汽水不失香甜但略甜咗啲。雖然坐响廚房出菜位自成一角私隱度極高，好啱我哋成晚咁嘈，但整晚人來人往，而且好難叫停啲侍應，感覺服務爭少少。