和田日本料理 (已結業)

今日同屋企人一齊出黎食飯 ,莊士倫敦廣場一出佐敦地鐵站就係, 都幾就腳一早打去book 位, 所以有窗口位坐, 個景都唔錯,食物方面:刺身好大碟, 三文魚夠厚夠肥, 蝦夠大隻夠爽, 好新鮮, 我初時以為係第一碟會靚d, 但我見其他客人都係一樣又厚又新鮮, 所以我地都有不停再叫~炸芝士年糕, 好好味, 你知啦, 食放題要樣樣食少少, 先可以食到多d款, 但呢個芝士年糕真係好正, 唔太"漏", 我地每人可以食到2個呀~哈哈冷烏冬, 好正, d 烏冬夠煙韌, 十足正宗手打烏冬, 好味過"自家"好多囉!炸蠔都唔錯, 叫左2次, 夠金黃, 夠脆!炸香蕉, 都好好味, 但屬於正常水準!不過個炸綠茶鮮奶就真係麻麻, d 綠茶粉漿唔夠滑, 食落好似一團攪唔勻既野.....金菇肥牛就真係好肥既牛......好似打邊爐愜任食果d肥牛0禁~d 雪糕就唔睇都知係牛奶公司雪糕, 因為無論咩味, 都只係食到牛奶味~總括黎講, 呢個價錢既日式放題, 物有所值, 食過0禁多間, 暫時呢間會有興趣再食!p.s 服務質素都尚可, 侍應一般放低食物都會講聲係咩, 但唔係次次會或者細聲左d, 但加水都快架, 起碼唔會叫十次