中西∙環 (已結業)

自從幾日前喺呢度食自助午餐嘅一些「特別」嘅經歷後， 機緣巧合下因為身邊嗰位話想食下午茶自助餐( 其實係瞓晏咗) 於是上網經飲食apps訂位 輕易訂到即日兼夾攞埋個折頭！準時下午三點三到埗， 可能仲係過年假期嘅關係，餐廳數埋得廿枱人不算太多，坐到理想窗口位後，跟住出去攞嘢食。 其實食物種類比較少( 因為係下午茶自助餐加埋係以士多啤梨甜品作主打) 海鮮類有蜆、蝦、青口呢啲基本嘢， 兩款刺身:三文魚及吞拿魚都切定擺埋一齊，慳番好多地方。 另外凍食/冷盤有沙律、兩款冷麵(蕎麥麵)、切件三文治、凍雜肉及兩款芝士。熱食有日式章魚小丸子、 德國豬肉腸仔及雞尾腸、賀年蘿蔔糕更加唔少得、仲有呢度幾輪自助餐出咗名有嘅雞蛋仔！ 飲宴必備嘅炒飯同埋燴伊麵更加不可少…… 不過其實呢個下午茶自助餐主打係士多啤梨入饌嘅甜品，各款糕點味道做得恰到好處，反而吸引咗對於甜品比較少興趣嘅我， 食得仲多過其他食物添！衆多甜品之中比較欣賞一道士多啤梨拿破崙~口感脆中帶士多啤梨甜味軟心忌廉， 鍾意食甜品嘅人不可錯過， 另外「馬卡龍」唔係死硬嗰隻 ， 咬落中間有少少軟心好似食雪糕一樣， 但味道係偏甜嘅！今次食物質素及服務整體嚟講都