潮興隆

营业中

休息中

約左朋友嚟銅鑼灣聚舊，心血來潮想食潮州菜，上網搵到呢間「潮興隆」。餐廳住打潮汕美食，店內地方不大，但裝修得頗骨子，乾淨企理有心思。先嚐 2 款潮汕特色小食，鼠粬粿外皮軟糯Q彈，入口帶淡淡野草清香，配埋入面嘅花生餡，味道鹹香有層次。普寧炸豆腐外層金黃酥脆，內裡保持滑嫩，入口豆味好濃郁，蘸韭菜鹽水吃，充滿家鄉風味！潮式煎蠔餅用料十足，上檯時仍熱辣辣，入口外脆內軟，有蠔仔嘅鮮甜同蛋香，沾魚露吃鮮味更佳。沙嗲牛肉炒河，河粉滑溜煙韌、牛肉嫩滑腍身，牛味濃郁，唔會嚡口，沙嗲醬香濃帶花生味，微辣惹味。 福果芋泥質感超順滑，芋泥細膩綿密，加上新鮮白果作點綴，食完有幸福感！