薩莉亞意式餐廳 (大元街市) (已結業)

其實係屋企附近一帶都有好多平靚正美食，而且價錢相宜份量又足，只係平時冇留意到，平時行過都會見到有好多人係呢間食肆等位，一定有佢吸引之處，今次終於有機會品嚐下，不過都要等一陣先至有位，先看餐牌食物價錢由10多蚊去到最貴50蚊左右，而款式都有好多選擇，唔怪得之咁多人來食如果想飲汽水同埋其他熱飲每人俾多蚊$12，就可以無限添飲又幾好，先來有蒜蓉法包，法包香脆蒜蓉味濃再來係蒜汁燒魷魚，魷魚燒得啱啱好，肉質香軟，點埋醬汁更滋味，到另一款係地中海海鮮薄餅，面層鮮甜三文魚，薄餅底入口鬆脆，薄餅內裏食到香濃芝士同魷魚圈最後食埋蒜蓉焗田螺，田螺肉質爽嫩味道香甜，話咁快又食完一餐平靚正晚餐