薩莉亞意式餐廳 (大元街市) (已結業)

久久沒吃，卒之在小嬰睡了等一下，便進去大元邨的薩利亞，豈料坐下不一會他便醒，真搞氣了雞翼沒有上次九龍灣那間那麼熱，不過都不錯，調味充足，不會太過濃。蜆放在鐵板上，很快便端來，可能一早弄好，沒有感覺太熱燙。多利亞都不算太過熱，和即叫即焗那些焗飯有少許出入，不過至少不算是放涼了的焗飯，汁醬依然充足，這樣的焗飯很難拒絕。鐵板洋蔥雞扒，雞扒夠厚夠大塊，然之後上方有點洋蔥以及蒜蓉粒，放在鐵板上煎香，夠熱，味道好香濃，香噴噴的，也是很難抗拒的菜式。飲品吧也是有茶包、以及其他咖啡、汽水，同樣提供多款冷熱飲品，令人滿意

晚上喺薩莉亞Dinner ，方便自己，可以唔使煮又唔使洗，今晚就偷懶一晚啦🤭！ 平民餐廳，又真係好抵食喎....... 每份都係$15至$40!⭐［甜蝦沙律］2人份量 $35小蝦，份量十足有生菜、紫椰菜絲、車厘茄。最驚喜係唔使剝殼而又多鮮甜小蝦，拼埋係沙律菜夠清新！------------------------------⭐［水牛芝士拌蕃茄］$20橄欖油、水牛芝士、車厘茄 ，喺外面意大利菜館食呢個前菜 都唔平㗎，但居然食到這份量，價錢超直！------------------------------⭐［意大利菜湯］$13椰菜、洋蔥、蘿蔔、蘑菇，足料入口酸酸甜甜好開胃。------------------------------⭐［週打蜆湯］$13蜆肉、蘿蔔、西芹、洋蔥、薯仔、蘿蔔，濃濃白湯，好飲足料。2人同行一紅一白大比拚！------------------------------⭐［蒜蓉法包］$12麵包香脆可口，帶著牛油蒜蓉香------------------------------⭐［白汁煙肉薯仔pizza］$36薄薄餅底，餅面粒粒薯仔及煙肉口感夠特別----------

之前都是堂食，今次疫情用openrice 買外賣，不用10分鐘已經可以取餐。基本上下單後，下樓去拿，時間剛剛好。食物溫度夠熱，好好味，有驚喜，比堂食好味。pizza材料足，調味好，好味到忘記拍照了，唯獨美中不足是邊邊位烤焦了。

其實每次去這家餐廳的時候，是為了任喝汽水吧，我每次必喝的是兩杯咖啡，再加小量汽水，不知道為什麼這次巧克力咖啡沒有了😭，上次去第二家mikiki 商場是有的，更有落地玻璃，看住風景喝咖啡。佢西餐主要是價格便宜，是平民的西餐廳可以叫很多小吃，也不會很貴這次覺得最有驚喜是雞中翼這次非常肥美，而且弄得很脆口我們吃不停嘴，之前吃是很瘦第二個我最喜歡吃的就是意大利粉這個鮮蝦意大利粉不錯，有很多蝦仁意大利粉軟硬口感，弄得不錯只是那個廚師貪快把蝦仁放在底了🙈我兒子最喜歡的就是食薄餅大大件，熱呼呼，又多玉米粒及沙拉醬現在出去吃薄餅也很貴啊

今曰留在大埔吃午餐，走到大元街市。最後都是走進一家我喜歡的平民大眾化餐廳，薩莉亞意式餐廳。點了青醬甜蝦西蘭花意粉 $35，雞肉多利亞 $29，蒜汁燒魷魚 $28，香辣腸 $19，最後當然不能少的暢飲品吧 $13每位 。青醬甜蝦西蘭花意粉，開始吃時發現好像沒有味道，再看看原來醬汁在底部，伴勻後味道很好。不過甜蝦細只了一點。不過我還是最愛墨魚汁意大利粉。雞肉多利亞，雞肉嫩滑芝士濃郁，多利亞永遠不會令人失望。蒜汁燒魷魚，每次必點的食品，魷魚大大只很彈牙，蒜蓉汁很野味。香辣腸，19元就有4條腸加四個薯角，超抵食。

這家性價比特別高，一個意粉只要30蚊，小食和主食種類選擇也比較多。小食最愛雞翼！最近試左蝸牛，但感覺一般。［肉醬多莉亞］是每次必點，今次嘗試［肉醬雞肉扁意粉］也好味。一份牛排只要50幾蚊，仲係味道ok，肉質雖然一般，但牛排汁唔錯，份量都幾多

今日同朋友難得約出黎食晏大埔可以平食又無咩人既地方無咩 相信薩利亞都係大家兒時既好選擇人流明顯比之前少左 位都唔駛等就有得坐好鍾意佢既午餐因為料多 野食豐富同我朋友一人叫左個午餐蒜蓉牛油漢堡一如以往好冧 又多汁 不過肉味好似無之前咁重 不過蒜蓉味好足 而且鐵板出到黎都好熱 所以食落夠哂熱 雞蛋都煎得好甜 整體都好保得住水準平日無咩選擇時 依度都係一個充滿回憶 又平既好地方 雖然味道對比之前可能有點回落 但係最緊要份量同埋價錢Keep到 性價比一流

諗住油尖旺人咁密集，疫情又越嚴峻，都係翻人少少而且座位位置間隔較大的餐廳食，想食芝士既野，第一時間就諗到薩莉亞其實一開始好驚薩莉亞既餐具唔乾淨，畢竟係放曬出黎，但呢間真係好耐冇食，唯有用滾水洗下，雖然唔知有冇效唉最鍾意食既雞肉多利亞貴咗2蚊，但都抵玩，好芝士味，又唔膩，搭配雞肉好夾之後叫咗溫泉蛋卡邦尼那意粉，吉穿蛋勞濃厚卡邦尼味既意粉，更好味，正！2個人叫咗8隻雞翼，唔知係咪冇叫辣味既原因，覺得佢比起以前差咗啲，除咗食落冇咁香之外，雞啲皮都冇以前滑之後就係隱藏menu芝士焗薯角，呢個係menu係冇架，濃濃芝士搭配煙肉同薯仔，好啱鍾意食芝士既我地，用薯仔去撈芝士食，好邪惡呀！😈但一啲都唔膩，想繼續食！19蚊咋食薩莉亞梗係唔少得Tabasco口味會更豐富總括而言，薩莉亞可以食好多唔同野，因為份量唔多，可以好豐富咁食唔同野，好正！啱曬啲唔鍾意口味單一既人

叫左個新嘅明太子意粉食落口好腥 唔係好正常同侍應講 佢話係口味問題 冇得換話個意粉係咁咁你即係要逼客人接受腥嘅味道？。係飲品bar，凍飲機六樣有兩樣暫停供應我真係好無奈。然後，啲梳化櫈爛哂。不會再光顧

本身諗住媽媽出嚟食飯八鯨，點知竟然冇開門，可能係去咗發夢唔夠人手所以冇開。咁唯有喺附近嘅薩莉亞食啦星期日晚真係好多人排隊，二人位尤其排得耐，反而四人位就好快入得，我同媽媽前後等左大半個鐘，雖然係有得喺門口坐，但都成30幾度好辛苦🤦🏻‍♀️我同媽媽都係叫咗平時食開個幾樣野，三文魚沙律、肉醬多莉亞、歐陸腸，價錢就冇貴度嘅，分量甚至仲多咗添但係食物嘅質素就差左，例如係沙律上面嘅三文魚比平時嘅細塊，同埋好似雪咗好耐😪肉醬多莉亞啲飯多咗好多，但係飯粒就差咗好鞋索唔到汁😰不過歐陸腸就比平時好食，可能係因為夠熱

之前在大元邨的st. john學急救full day，所以lunchtime就在呢度食。薩莉亞我第一次食係在大陸，係價廉物美既，估唔到過咗一兩年就在香港開到成行成市好多學生過黎食，大埔呢間都幾大間，雖然有拎飛但係最後侍應都係叫我們有位就自己入，所以我一條友坐咗張4人枱....侍應好忙唔得閒理我，㩒咗好耐鐘先有人黎Lunch set叫咗1號餐，鐵板漢堡辣腸雞球$38，加$16要咗沙律、白飯同飲品。所以埋單唔算特別平飲品吧啲可樂陣味偏淡；沙律就少咗啲同麻麻地；主菜就Ok啦，最入味反而係雞球同香腸，漢堡就一般啦，總之食完呢一餐覺得自己有啲可憐，好似去咗學生canteen咁食啲劣食🤷🏻‍♀所以係有啲失望，以後唔會再黎

每次食薩利亞我都好開心😊同一班人食既話嗌到成枱都係，每人都唔洗100蚊！滿足又好食。一個人就最中意嗌一個意粉加4隻雞翼，個人覺得雞翼仲正過pizza hut!男仔黎講可以嗌多個多利亞，咁就完美了，美好既一餐！

今日去開大中拎快遞，就順便去食埋夜晚飯，星期日周圍都好貴，但薩莉亞就無因此而加價，仲要免加一。肚餓就早點去拎位，可能時間比較早6點半左右，無乜人，等左一陣就入得。兩個人叫左五款餸，每樣都細細份平平地，埋單都係人均60左右，相當抵食。叫左個雞肉粗管面，白汁同芝士都好邪惡，面條硬硬地幾有咬口。老媽愛吃魷魚，30蚊內就有隻大大隻既魷魚，仲要鐵板上，有蒜汁，好香口，又夠熱！當然唔少得肉醬多利亞，再狂灑芝士粉，極邪惡，每一啖都拉到絲！雞翼都好嫩滑，辣度適中，好開胃。三文魚沙律，煙三文魚本來就香口，配上沙律醬沙律菜同辣粉，幾fresh，好開胃

很久沒來這裡，這天下午兩點幾到，沒有午餐時的人流，地方顯得清靜些。慢慢細看它的2019年餐牌，製作很精美，圖片十分吸引，而且價錢大眾化，應該很受街坊喜愛。煙三文魚，味道不錯！不會太鹹，它應該預先準備好，然後全碟放進雪櫃，因為送來的時候連隻碟也是凍的！周打海鮮湯，材料有薯仔、蜆肉，味道okay，只略嫌忌廉太多。地中海海鮮薄餅，香脆熱辣辣，仲有至愛的三文魚！明太子魷魚蝦仁意大利粉，味道剛好，不過太乾了，一滴汁都無，食的時候就顯得困難！

糧尾想搵一間西餐廳平平地食， 我今次是第二次 光顧， 都係朋友介紹 因我先生很食得， 朋友話呢度平靚正 試過一次都覺得幾唔錯。星期日晚上8點 超多人在等位， 只係等咗十幾分鐘已經有位喇 最主要原因 係佢地的店員安排得非常之有效率， 我們點了兩個意粉一個pizza 蒜蓉包 同一個 小吃 都只係一百幾十蚊埋單另外我想讚佢哋嘅店員 ， 雖然工作很繁忙 但保持 態度親切有禮， 我最想讚他們有一位男店員他的服務態度， 每一位客人 他都有貼心很有笑容滿面 完全沒有不耐煩 還同客人打成一片 沒 我想過這樣 貼地的西餐廳都有這樣的出品真是難得