至尊滿屋日本料理 (已結業)

旺角有好多間放題，本人都食過唔少唔同嘅放題餐廳。今日lunch嚟到呢一間瓊華中心樓上嘅至尊滿屋，地點方便，價錢唔算貴。呢度歷史應該冇其他老牌放題咁長，但食物水準侍應態度等等方面都好好！放題刺身一定唔少得，講真，呢一度刺身嘅款式不算多，但勝在每一塊都好厚肉，食落都好新鮮！其餘典型嘅日本食物當然唔少得啦，有天婦羅、串燒、壽司、手卷等等，有時越簡單嘅食物就越難整得好食，我同友人覺得最好食都係燒冬菇，乾身得來一咬落去又有汁湧出來，有菇味，加上少少鹽，好好味。當然都唔少得好多平時放題會見到嘅食物，例如燒羊架、粟米、蟹子沙律等等，熱食既就全部熱辣辣，羊架大大件，粟米亦好大份！最特別的就是呢度會有蟹粥同埋蟹膏蟹肉煲仔飯，其他放題地方好少有，好特別好滿足！出面有任攞飲品同甜品，最後仲送埋Haagen Dazs 雪榚！ 值得一提，呢度侍應態度超級好，會提點應該食邊樣食物先，例如手卷紫菜會好快林，所以要食先。另外，佢哋成日都會幫我地玩碟，可見佢哋嘅細心！