阿來泰式地道風味

营业中

休息中

今日同朋友係旺角行完街，朋友突然話想食泰國菜，仲話要去九龍城食。我梗係唔容許呢件事發生啦，所以就捉咗佢去呢間平時食開嘅平靚正之選！鋪頭雖然地方不大，但勝在上菜快，所以好多時都唔洗等好耐位。超愛海鮮嘅我，連咖哩都要食炒海鮮！海鮮種類多，有大蝦、魷魚、蜆肉等等，仲有大量配菜！海鮮新鮮，仲好彈牙，又唔會因爲煮得太耐而變得靭。咖哩汁又符合香港口味，唔會好辣，帶少少甜味，配飯一流！不過，朋友就驚白飯太飽，轉咗叫蒜蓉包，蒜香味好濃郁，用泥點咖哩食，都好夾。另外，仲叫多咗一份例牌海南雞，份量充足，無骨嘅煮法，啱哂懶得挑骨嘅我，雞肉仲好嫩，要配埋微辣嘅醬汁一齊食。