影片
更多
2019-05-09
149 浏览
響旺角火車站再行過去少少近何文田個邊梭椏道有幾間新嘅食肆，就搵咗呢間食牛排嘅試下。呢度菜式唔多，選擇唔會太困難，店員都好熱心咁介紹下主打嘅Flat Iron、煮嘅方式同埋飲品dirty lemon。落咗單之後第一樣嘢黎係薯條，任添㗎！最鐘意食幼身嘅薯條，因為夠脆👍🏻另外佢有落到少少蒜味加強咗薯條嘅味道，食到唔停。我地叫咗一個餐再加48蚊有藜麥沙律同忌廉蘑菇湯。藜麥沙律嘅酸味好醒胃，係食牛排嘅好開始，菜同蕃茄仔都好新鮮，上面炸嘅係番薯，甜中和咗沙律汁的酸。蘑菇湯，忌廉味較重，如果唔叫飲品都係一個不錯嘅選擇。終極漢堡個造型好勁用刀定住漢堡，唔會側埋一邊，佢仲有提供漢堡嘅袋，等你方便啲拎住食。佢有好多配料，紫洋蔥、芝士、菜、蕃茄仲有最重要嘅漢堡扒，由於個漢堡要有造型企得到，個牛會煮得熟一點，但都唔會好硬，牛味濃郁👍🏻另外個包嘅底同面都有烤過，帶岀麵包嘅香味，呢個漢堡有個特色係佢用芝士來代替漢堡包嘅醬，芝士同牛十分夾，令牛味更濃。最後成餐嘅主角黎啦！客席主廚平鐵牛排Flat Iron係屬於嫩嘅部位，配埋紅酒做慢煮，令牛肉更軟滑，食落牛味濃郁，呢個部位唔多油脂，唔會愈食愈滯嘅感覺。薯仔粒食落卜卜
呢度菜式唔多，選擇唔會太困難，店員都好熱心咁介紹下主打嘅Flat Iron、煮嘅方式同埋飲品dirty lemon。
落咗單之後第一樣嘢黎係薯條，任添㗎！最鐘意食幼身嘅薯條，因為夠脆👍🏻另外佢有落到少少蒜味加強咗薯條嘅味道，食到唔停。
我地叫咗一個餐再加48蚊有藜麥沙律同忌廉蘑菇湯。
藜麥沙律嘅酸味好醒胃，係食牛排嘅好開始，菜同蕃茄仔都好新鮮，上面炸嘅係番薯，甜中和咗沙律汁的酸。
蘑菇湯，忌廉味較重，如果唔叫飲品都係一個不錯嘅選擇。
終極漢堡
個造型好勁用刀定住漢堡，唔會側埋一邊，佢仲有提供漢堡嘅袋，等你方便啲拎住食。佢有好多配料，紫洋蔥、芝士、菜、蕃茄仲有最重要嘅漢堡扒，由於個漢堡要有造型企得到，個牛會煮得熟一點，但都唔會好硬，牛味濃郁👍🏻另外個包嘅底同面都有烤過，帶岀麵包嘅香味，呢個漢堡有個特色係佢用芝士來代替漢堡包嘅醬，芝士同牛十分夾，令牛味更濃。
最後成餐嘅主角黎啦！客席主廚平鐵牛排
Flat Iron係屬於嫩嘅部位，配埋紅酒做慢煮，令牛肉更軟滑，食落牛味濃郁，呢個部位唔多油脂，唔會愈食愈滯嘅感覺。薯仔粒食落卜卜脆，十分爽口。
飲品就要咗店員介紹嘅dirty lemonade，lemonade嘅酸中和咗食牛排油利嘅感覺，係食扒一個好好嘅結尾，如果仲唔夠可以添少少薯條。
张贴
