小肥羊 (已結業)

我本身唔食羊, 所以佢開業以嚟我都冇幫趁, 因為一心諗住佢係一間食涮羊肉火鍋店. 不過當我知道佢有點心任點任食就想試, 原因好間單--平!! 五十蚊包茶芥及加一, 好抵. 食物有好多選擇, 有最基本0既蝦餃, 燒賣, 生竹牛肉, 义燒包, 潮州粉果, 腸粉, 粥等等, 另外仲有灌湯餃, 蒙古小菜, 炒菜, 紅油炒手, 總之好多選擇, 味道雖然普普通通, 不過有幾款甜點確實好味, 例如芋頭奶皇包, 蓮蓉馬拉盞, 粟米餅, 西米糕..0個日食得好飽, 不過如果我早0的到會好0的, 因為下午茶時段由兩點到四點, 但係我成三點幾先去到, 三點四十五分就last call, 食得幾趕, 同埋多0的人去又可以食多0的唔同0既款式...好彩唔洗搭枱, 因為平日都好多人, 坐就唔係咁舒服啦, 因為冷氣好凍啊!!